කහතුඩුව ඇඟලූම් කර්මාන්ත ශාලා භූමියකදී කාන්තාවකගේ ගෙල කපා ඝාතනය කර ඇති බව කහතුඩුව පොලිසිය පවසනවා.
මෙලෙස ඝාතනයට ලක්ව ඇත්තේ බුලත්සිංහල, නාරාගල ප්රදේශයේ පදිංචිව සිටි එම කර්මාන්ත ශාලාවේම සේවය කළ 25 හැවිරිදි අවිවාහක කාන්තාවක්.
මෙම ඝාතනය සිදුකර ඇත්තේ එම ආයතනයේ සහායකයෙක් ලෙස රැකියාව කළ අයෙක් බවට සැකකරන බවත් ඔහු ඝාතනය සිදුකර පලාගොස් ඇති බවත් පොලිසිය පවසනවා.
ඝාතනයට ලක් වූ තරුණිය සහ සැකකරු අතර වසරකට පමණ ආසන්න කාලයක සිට ප්රේම සබඳතාවයක් හට ගෙන ඇති අතර දින කීපයක සිට පැවති ආරවුලක් හේතුවෙන් මෙම ඝාතනය සිදු කරන්නට ඇති බවට මූලික විමර්ශනවලදී අනාවරණය වූ බව පොලිසිය සඳහන් කළා.
බදුල්ල, කැප්පෙටිපොළ පදිංචි මෙම සැකකරු විවාහක පුද්ගලයෙක් බවද පොලිසිය පවසා සිටියා.
සැකකරු අත්අඩංගුවට ගැනීම සඳහා කහතුඩුව පොලිසිය විසින් වැඩිදුර විමර්ශන සිදු කරනවා.
ඔබේ ප්රතිචාරය කුමක්ද ?
+1
+1
1
+1
2
+1
1
+1
6
+1
2
+1
1
