පන්දුවාර විස්සයි විස්ස ලෝක කුසලානයේ සුපිරි 08 දෙනාගේ වටයේ ශ්රී ලංකාව සහ එංගලන්තය අතර තරගයේ ශ්රී ලංකා ආරාධනයෙන් පළමුව පන්දුවට පහර දුන් එංගලන්ත කණ්ඩායම නියමිත පන්දුවාර 20 තුළ කඩුලු 09ක් දැවී 146ක ලකුණු පුවරුවක් නිර්මාණය කළා.
එහිදී එංගලන්ත ඉනිමේ වැඩිම ලකුණු ලාභියා වූ ෆිල් සෝල්ට් පන්දු 40 කදී ලකුණු 62ක් රැස් කළා.
පන්දු යැවීමේ දී සුපිරි පන්දු යැවීමක නිරත වූ දුනිත් වෙල්ලාලගේ සිය පන්දුවාර 04 තුළ ලකුණු 26කට කඩුලු 03ක් බිඳ දැමුවා.
කලකට පසු යළිත් සිය රිද්මයට පැමිණි මහීෂ් තීක්ෂණ සිය පන්දුවාර 04 තුළ ලකුණු 21ක් පමණක් ලබා දී එංගලන්ත ඉනිමේ කඩුලු 02ක් දවාගත්තා.
වේග පන්දුවෙන් එංගලන්ත පිතිකරුවන්ට පීඩනය එල්ල කළ දුෂ්මන්ත චමීර පන්දුවාර 04ක් යවා ලකුණු 34ක් ලබා දී කඩුලු 01ක් බිඳ දැමුවා.
ඊට අමතරව ඩිල්ෂාන් මධුශංක ලකුණු 25ක් ලබා දී කඩුලු 02ක් බිද දමමින් සුපිරි පන්දු යැවීමක නිරත වුණා.
ඒ, අනුව පල්ලේකැලේ ජාත්යන්තර ක්රිකට් ක්රීඩාංගනයේ දී පැවැත්වෙන මෙම තරගය ජයගැනීමට ශ්රී ලංකාවට ලකුණු 147ක ඉලක්කයක් හිමිව තිබෙනවා.
