සිවිල් ආරක්ෂක භටයෙකු විසින් පාසල් සිසුවියක් දූෂණය වීමේ පුවතක් බිබිල, මැදගම ප්‍රදේශයෙන් වාර්තා වෙනවා.
අදාළ සිසුවිය 15 හැවිරිදි දැරියක් බවත් සිවිල් ආරක්ෂක භටයා 56 හැවිරිදි බවත් සඳහන්.
සිද්ධිය සිදුවන අවස්ථාවේ දී දැරියගේ මව රැකියාව සඳහා පිටත්ව ගොස් සිට ඇති අතර දැරියගේ බාල සොයුරන් දෙදෙනා අසළ නිවසක සෙල්ලම් කිරීමට ගොස් සිට තිබෙනවා.
මෙම අවස්ථාවේ දී දැරිය සිය නිවසට පහළින් පිහිටි ළිඳෙහි දිය නාමින් සිට ඇති බවයි වාර්තා වන්නේ.
එම දසුන දුටු අදාළ සිවිල් ආරක්ෂක භටයා එම ස්ථානයට පැමිණ දැරිය දූෂණය කර ඇති බව පැවසෙනවා.
දූෂණයට ලක් වූ මේවන විට බිබිල මූලික රෝහලට ඇතුළත් කර ඇති බව සඳහන්.
අපරාධය සිදු කළ සිවිල් ආරක්ෂක භටයා අත්අඩංගුවට ගැනීමට මැදගම පොලිසිය පෙරේදා (09) සමත් වුණු අතර ඔහු බිබිල මහේස්ත‍්‍රාත් අධිකරණයට ඉදිරිපත් කිරීමට නියමිත යි.
සිද්ධිය සම්බන්ධයෙන් මැදගම පොලීසිය වැඩිදුර පරීක්ෂණ පවත්වනවා.
