තලවකැලේ ප්රාදේශිය ලේකම් කාර්යාලය ඉදිරිපිට අද (26) පස්වරුවේ දී පුද්ගලයෙක් තම සිරුරට ගිනි තබා ගෙන ඇති බවට පුවතත් වාර්තා වනවා.
හැටන්, ලෙදන්ටි වතුයායේ පදිංචි පුද්ගලයෙක් විසින් ඇති වූ පවුල් ආරවුලක් මත මෙලෙස ගිනි තබාගෙන ඇති බවයි පොලිසිය සඳහන් කළේ.
පවුලේ ඥාතින් විසින් ඔහුව මානසික රෝගි තත්වයෙන් පෙලෙන අයෙක් බව හගවමින් ඔහුගේ දරුවන්ව ඔහුගෙන් වෙන් කළ බවට ලිපියක් ලියා තබමින් එම පුද්ගලයා ගිනි තබා ගෙන ඇති බවයි වාර්තා වන්නේ.
මෙලෙස තමන්ට අසාධාරණයක් සිදු වූ බවත් ඒ සම්බන්ධයෙන් හැටන් පොලිසියට තමන් පැමිණිල්ලක් සිදු කළ ද, එම පැමිණිල්ලට ද සාධාරණයක් ඉටු වී නොවුණු බව ඔහු එම ලිපියේ සදහන් කර තිබෙනවා.
කෙසේ වෙතත් ගිනි තබා ගැනීමෙන් පසුව බරපතල ලෙස පිලිස්සුම් තුවාල ලැබූ එම පුද්ගලයාව ලිදුල ප්රාදේශිය රෝහල වෙත ඇතුලත් කිරිමෙන් පසු වැඩිදුර ප්රතිකාර සදහා නුවරඑළිය දිස්ත්රික් මහ රෝහල වෙත මාරු කර යැවූ බව තලවකැලේ පොලිසිය පවසනවා.
සිද්ධිය සම්බන්ධයෙන් තලවකැලේ පොලිසිය විසින් වැඩිදුර විමර්ෂණ සිදු කරනවා.
