මෝටර් රථ ප්රවාහන දෙපාර්තමේන්තුවේ වේරහැර කාර්යාලය මඟින් බොහෝ කාලයක සිට ක්රියාත්මක කළ විදේශීය රටකදී නිකුත් කර ඇති වලංගු රියදුරු බලපත්ර මත පදනම්ව මෙරටදී මෝටර් වාහන පැදවීම සඳහා තාවකාලික රියදුරු බලපත්ර නිකුත් කිරීමේ කටයුතු පසුගිය අගෝස්තු 03 වන දින සිට කටුනායක බණ්ඩාරණායක ජාත්යන්තර ගුවන් තොටුපළ පරිශ්රයේ ස්ථාපිත කාර්යාලය මගින් ආරම්භ කළා.
මේ අතර මෙතෙක් විදේශ පුරවැසියන් සඳහා සැපයූ එම සේවාව තවදුරටත් පුළුල් කරමින් ශ්රී ලංකා පුරවැසියන්ට හා ද්විත්ව පුරවැසිභාවය සහිත ශ්රී ලාංකිකයන්ට විදේශීය රටකදී නිකුත් කරන ලද රියදුරු බලපත්රයක් මත පදනම්ව තාවකාලික රියදුරු බලපත්ර නිකුත් කිරීමේ සේවාව මේ වන විට කටුනායක බණ්ඩාරණායක ජාත්යන්තර ගුවන් තොටුපළ පරිශ්රයේ ස්ථාපිත කාර්යාලය මගින් ලබා ගැනීමට පහසුකම් සලසා ඇති බව මෝටර් රථ ප්රවාහන කොමසාරිස් ජනරාල් කමල් අමරසිංහ ලිපියක් නිකුත් කරමින් පවසනවා.
එබැවින් අංක 2463/04, 2025.11.17 දිනැති රජයේ අති විශේෂ ගැසට් පත්රයේ පළ කර ඇති නියෝග මගින් සංශෝධිත මෝටර් වාහන (රියදුරු බලපත්ර) අයභාර නියෝගවල ඇතුළත් අයභාරය ගෙවීමට යටත්ව විදේශීය පුරවැසියන්ට හා ශ්රී ලාංකික පුරවැසියන්ට මෙන්ම ශ්රී ලාංකික පුරවැසිභාවය සහිත ද්විත්ව සුරවැසියන්ට විදේශීය රටකදී නිකුත් කළ වලංගු රියදුරු බලපත්රයක් මත පදනම්ව තාවකාලික රියදුරු බලපත්ර ලබා ගැනීමේ සේවාව මෝටර් රථ ප්රවාහන දෙපාර්තමේන්තුවේ බණ්ඩාරණායක ගුවන් තොටුපළ පරිශ්රයේ ස්ථාපිත කාර්යාලය මඟින් සහ වේරහැර කාර්යාලය මගින් ලබා ගැනීමට සලසා ඇති අතර එම පහසුකම් ඉදිරියේ දී දිස්ත්රික් කාර්යාල සඳහා ද ව්යාප්ත කරන බව ඔහු වැඩිදුරටත් එම ලිපිය මඟින් දන්වා තිබෙනවා.
ගොඩක් හොඳයි
A Very good initiative and would help many expats who are working aboard and holding valid license in a foreign country to obtain temporary SL driving license .