වර්තමානයේ දුම්රියේ වන අලි ගැටීම හේතුවෙන් දුම්රිය ධාවනයට විශාල බාධාවක් එල්ල වී ඇති බව ලොකොමෝටිව් ඔපරේටින් ඉංජිනියර්ස් සංගමයේ ප්රධාන ලේකම් චන්දන වියන්දූව පවසනවා.
මහව – ත්රිකුණාමලය, මහව – කන්කසන්තුරය සහ මහව – මඩකලපුව යන දුම්රිය මාර්ගවල ගමන් ගන්නා දුම්රියන්ගේ වන අලින් නිරන්තරයෙන් ගැටෙන බවයි ප්රධාන ලේකම්වරයා පැවසුවේ.
මේ හේතුවෙන් අද (23) මධ්යම රාත්රියේ සිට දුම්රිය රියදුරන් එම මාර්ගවල රාත්රී කාලයේ දුම්රිය ධාවනයෙන් වැළකී සිටින බවයි ඔහු වැඩිදුරටත් පැවසුවේ.
ඒ, අනුව අද (23) මධ්යම රාත්රියේ සිට භාණ්ඩ සහ ඉන්ධන ප්රවාහන දුම්රිය ධාවනයෙන් වැළකී සිටින අතර, හෙට (24) මධ්යම රාත්රියේ සිට එම මාර්ගවල මගී ප්රවාහන දුම්රිය ධාවනයෙන් වැළකී සිටින බව ඔහු සඳහන් කළා.
දුම්රිය මගීන්ගේ ආරක්ෂාව, දුමරියේ ආරක්ෂාව සහ වන අලින්ගේ ජීවිත ආරක්ෂාව වෙනුවෙන් මෙම තීරණය ගනු ලබන බවත්, වන අලි ගැටී සිදුවන අනතුරුවල වගකීම දුම්රිය රියදුරන්ට භාරගැනීමට හැකියාවක් නොමැති බවත් ඔහු වැඩිදුරටත් පැවසුවා.
දුම්රිය ලොකොමෝටිව් ඔපරේටින් ඉංජිනියර්ස් සංගමයේ ප්රධාන ලේකම් චන්දන වියන්දූව සඳහන් කර සිටියේ තම සංගමයේ තීරණය දුම්රිය පාලනාධිකාරියට දැනුම් දී ඇති බවත්, ඉදිරියේ දී සිදුවිය හැකි දරුණු අනතුරු වළක්වා ගැනීමට පියවරක් ලෙස මෙම වෘත්තීය ක්රියාමාර්ගයට එළඹෙන බවයි.
wpDiscuz
