එළෙඹෙන සැප්තැම්බර් මස 07 වනදා ශ්රී ලංකාව ඇතුළු ලෝකයේ රටවල් රැසකට පූර්ණ චන්ද්රග්රහණයක් දැකබලා ගැනීමේ හැකියාව පවතින බව කොළඹ විශ්වවිද්යාලයේ තාරකා විද්යා සහ අභාවකාශ විද්යා ඒකකයේ අධ්යක්ෂ මහාචාර්ය චන්දන ජයරත්න පවසනවා.
එදින රාත්රී 8.58 සිට පසුදා (08) අලුයම 2.25 දක්වා පැය 05යි විනාඩි 27ක කාලයක් මෙම චන්ද්රග්රහණය නිරීක්ෂණය කිරීමේ හැකියාව පවතින බවයි මහාචාර්යවරයා සඳහන් කළේ.
සූර්යයා සහ චන්ද්රයා අතරින් පෘථිවිය ගමන් කරන අතර පෘථිවියෙහි වඩා අදුරු වූ පූර්ණ ඡායාව තුළින් චන්ද්රයා ගමන් කිරීම හේතුකොට ගෙන පැයකුත් විනාඩි 22ක කාලයක් චන්ද්රයා අදුරු වී යාම මෙහිදී සිදුවන බව ඔහු වැඩිදුරටත් සඳහන් කළා.
මෙම පූර්ණ චන්ද්රග්රහණය සම්පූර්ණයෙන් දිස්වීම 07 වනදා රාත්රී 11.01 සිට 08 වනදා අලුයම12.22ක් දක්වා කාලය තුළ සිදුවන අතර, යළිත් මෙවැනි පූර්ණ චන්ද්රග්රහණයක් ශ්රී ලාංකිකයින්ට දැක ගැනීමට හැකියාව හිමිවන්නේ 2028 වසරේදී බවයි මහාචාර්ය චන්දන ජයරත්න පැවසුවේ.
wpDiscuz
