ඇල්ල සිට තිස්සමහාරාමය දක්වා ප්රංශ ජාතික විදේශිකයන් පිරිසක් රැගත් කාර් රථයක් සහ තණමල්විල සිට ඌව කුඩාඔය දෙසට ගමන් ගත් යතුරුපැදියක් එකිනෙක ගැටීමෙන් අද (26) උදෑසන මාරක රිය අනතුරක් සිදු වී තිබෙනවා.
අනතුරින් යතුරුපැදියේ ගමන් ගත් තරුණයෙක් එම ස්ථානයේදීම මියගොස් ඇති අතර යතුරුපැදියේ පැමිණි තවත් අයෙක් බරපතල තුවාල ලබා තණමල්විල මූලික රෝහලට ඇතුලත් කිරීමෙන් පසු වැඩිදුර ප්රථිකාර සදහා හම්බන්තොට මහ රෝහලට මාරු කර යවා ඇති බවට වාර්තා වනවා.
ජීවිතක්ෂයට පත්ව ඇත්තේ තණමල්විල, ඌව කුඩාඔය ප්රදේශයේ වයස අවුරුදු 29 ක පුද්ගලයක්.
අනතුර සම්බන්ධව මෝටර් රථයේ රියදුරු අත්අඩංගුවට ගත් බව තණමල්විල පොලිසිය පවසනවා.
සිදු කළ විමර්ශයන්වලදී අනාවරණය වී තිබෙන්නේ මාර්ගය හරහා ගමන් ගත් තලගොයක් බේරීමට ගිය අවස්ථාවේදී අනතුර සිදුවී ඇති බවයි.
තණමල්විල පොලිසිය විසින් අනතුර සම්බන්ධයෙන් ඉදිරි පරීක්ෂණ කටයුතු සිදු කරන අතර කාර් රථයේ රියදුරු වැල්ලවාය මහේස්ත්රාත් අධිකරණයට ඉදිරිපත් කිරිමටද නියමිතයි.
