මහියංගණය මැද යාය මහා විද්යාලය, වහකෝට්ටේ මැදබැද්ද මහ විද්යාලය සහ කල්මුණේ අල් අසාර් විද්යාලයේ සිසු දරුවන් හට ජනාධිපති ලේකම් කාර්යාලය විසින් සංවිධානය කෙරෙන ‘Vision’ වැඩසටහනටද සහභාගී වීමට ඊයේ (24) අවස්ථාව උදාවුණා.
ජනාධිපති කාර්යාලය, අධ්යාපන අමාත්යාංශය සහ පාර්ලිමේන්තු ජනසන්නිවේදන අංශය එක්ව පාසල් සිසුන් උදෙසා මෙම වැඩසටහන ක්රියාත්මක කරනවා.
එහිදී “Clean Sri Lanka” වැඩසටහන සහ එහි සංකල්පමය වටිනාකම පිළිබඳව සිසුසිසුවියන් දැනුවත් කිරීමක්ද සිදු කෙරුණා.
නව සමාජ පරිවර්තනයක් සමඟ රට ඉහළ තලයකට ඔසවා තැබීමේ රජයේ වැඩපිළිවෙළේදී දරුවන්ටත් වගකීමක් තිබෙන බව ජනාධිපති ජ්යෙෂ්ඨ අතිරේක ලේකම් ප්රසන්න චන්දිත් මෙම අවස්ථාවට සහභාගි වෙමින් ප්රකාශ කළා.
රටක සංවර්ධනය සඳහා සියලුදෙනා තමන්ගේ යුතුකම ඉටුකළ යුතු බවත්, ඒ සඳහා විනයක් හා ධාරිතාවක් සහිතව මානව සම්පත රටක සංවර්ධනයට ධනාත්මකව බලපාන බවත් ජනාධිපති ජ්යෙෂ්ඨ අතිරේක ලේකම්වරයා වැඩිදුරටත් කියා සිටියා.
මෙම වැඩසටහනට සමගාමීව පරිසර සංරක්ෂණයේ වැදගත්කම තහවුරු කරමින් සංකේතාත්මක තිළිණයක් ලෙස පාසල් වෙත වටිනා පැළ ලබාදීම සහ ‘Vision’ සඟරාව පිළිගැන්වීම ද සිදුකෙරුණා.
