හැටන් පොලිසියට අනුයුක්ත කර ඇති 1990 සුව සැරිය ගිලන් රථයේ රියදුරාට සේවිකාවට සහ ගිලන් රථයට පහර දුන් සැකකරුවන් දෙදෙනෙකු දිඹුල පතන පොලිසිය විසින් අද (22) දින අත්අඩංගුවට ගත් බව දිඹුල පතන පොලිසිය පවසනවා.
දිඹුල පතන පොලිසියට අයත් කුඩාගම ආගිල් ප්රදේශයේ ඉදි කරමින් පවතින සංචාරක නිකේතනයක සේවකයෙකු ආලින්දයෙන් බිමට වැටි තුවාල සිදු වි ඇති බවට 1990 ගිලන් රථ සේවයට අද දින අලුයම 2 ට පමණ ඇමතුමක් ලැබී තිබුණා.
එම ඇමතුමට අනුව අදාළ සංචාරක නිකේතනය වෙත ගිය හැටන් 1990 සුව සැරිය ගිලන් රථ සේවයේ රියදුරා සහ සේවිකාව ආලින්දයෙන් බිමට වැටුණේ යැයි කියන එම සංචාරක නිකේතනයේ ඉදි කිරිම් කටයුතුවල නිරත වි සිටින සේවකයා පරික්ෂා කර බැලිමේදි ඔහුට කිසිදු තුවාලයක් හෝ ආලින්දයෙන් බිමට වැටි අනතුරක් සිදු වි ඇති බවට තහවුරු නොවු නිසා රෝහල් ගත කිරීම අවශ්ය නොවන බව පවසා තිබෙනවා.
එබැවින් උරණවූ වැටුණේ යැයි කියන සේවකයා සහ ඔහු සමග බිමත්ව සිටි තවත් පුද්ගලයෙකු ගිලන් රථයේ රියදුරාට , සේවිකාවට පහර දී ගිලන් රථයටද හානි සිදු කර ඇති බවයි වාර්තා වන්නේ.
අත්අඩංගුවට ගත්සැකකරුවන් දෙදෙනා අධික ලෙස බිමත්ව සිටි නිසා කොටගල ප්රාදේශිය රෝහලේ වෛද්යවරයා වෙත ඉදිරිපත් කර වාර්තාවක් ලබාගෙන සැකකරුවන් දෙදෙනා අද දින හැටන් මහෙස්ත්රාත් අධිකරණය වෙත ඉදිරිපත් කරන බව දිඹුල පතන පොලිසිය පැවසුවා.
