රෝහලක් තුළ දී තරුණයෙකු විසින් පාසල් සිසුවියකගේ ගෙළ කපා අමානුෂික ලෙස ඝාතනය කළ පුවතක් ඉන්දීය මාධ්ය වාර්තා කරනවා.
ඉන්දීය මාධ්ය වාර්තා කළේ මධ්ය ප්රදේශ්හි නර්සිංහපූර් රජයේ දිස්ත්රික් රෝහල තුළ මෙම අපරාධය සිදුව ඇති බවයි.
මෙලෙස ඝාතනයට ලක්ව ඇත්තේ 12 ශ්රේණියේ ඉගෙනුම ලැබූ සන්ධ්යා චෞද්රි නම් 19 හැවිරිදි සිසුවියක් බවයි වාර්තා වන්නේ.
මෙම සිසුවිය සමඟ මීට පෙර ප්රේම සම්බන්ධයක් පවත්වාගෙන ගිය අභිෂේක් කොෂ්ටි නැමැති තරුණයක් විසින් මෙම ඝාතනය සිදුකර ඇති බවයි විමර්ශන සිදුකරන පොලිසිය සඳහන් කළේ.
මෙම සිසුවිය මාතෘ වාට්ටුවේ නේවාසිකව ප්රතිකාර ලබමින් සිටි මිතුරෙකුගේ නෑනා බැලීමට පසුගියදා (27) රෝහලට ගොස් තිබෙනවා.
එම අවස්ථාවේ දී ඇයට රෝහලේ හදිසි ප්රතිකාර අංශය තුළ දී මෙම අපරාධය සිදුකර ඇති අතර, අපරාධය සිදුකළ තරුණයා එදින දහවල් සිට රෝහල වටා එහා මෙහා ඇවිදිමින් සිට ඇති බවයි අනාවරණය වී ඇත්තේ.
සිසුවිය එදින රෝහලට පැමිණෙන බව දැනගෙන ඔහු එලෙස රෝහල අවට රැඳී සිටින්නට ඇති බවයි පොලිසිය සැකපළ කරන්නේ.
මේ අතර විමර්ශනවල දී වැඩිදුරටත් කරුණු අනාවරණය වී ඇත්තේ සැකකාර තරුණයා විසින් අපරාධය සිදු කිරීමට පෙර ඔවුන් දෙදෙනා රෝහලේ කාමර අංක 22 පිටත කෙටි කතා බහක නිරතව ඇති බවයි.
අනතුරුව සැකකරු විසින් මෙම අපරාධය සිදුකර ඇති අතර, පසුව ඔහු ද තම අතේ තිබූ තියුණු ආයුධයෙන් ගෙළ කපාගෙන සියදිවි නසාගැනීමට උත්සාහ කර තිබෙනවා.
කෙසේ වෙතත් එම උත්සාහය අසාර්ථක වීමත් සමඟ එම ස්ථානයෙන් පිටතට පැමිණ රෝහලෙන් පිටත නවතා තිබූ යතුරුපැදියේ නැඟී පළාගොස් ඇති බවයි වාර්තා වන්නේ.
ඝාතනය සිදු වූ අවස්ථාවේ, ආරක්ෂකයින් දෙදෙනෙකු එම ස්ථානයෙන් පිටත යොදවා සිට ඇති අතර, හදිසි ප්රතිකාර අංශය තුළ වෛද්යවරයෙකු, හෙදියන් සහ තවත් කිහිප දෙනෙකු සිට තිබෙනවා.
කෙසේ වෙතත් ප්රහාරකයා නතර කිරීමට ඉන් කිසිවෙකු උත්සාහ කර නොමැති බවයි ඉන්දීය මාධ්ය වැඩිදුරටත් තොරතුරු වාර්තා කර තිබුණේ.
