රුපියල් ලක්ෂ 15ක අල්ලස් ඉල්ලීමේ සිද්ධියකට ආධාර අනුබලදීමේ සිද්ධියක් සම්බන්ධයෙන් රක්ෂිත බන්ධනාගාරගත කර සිටි හිටපු රාජ්ය අමාත්යවරයකු වන එස්. වියාලේන්ද්රන් ඇප මත මුදා හරින ලෙස කොළඹ ප්රධාන මහේස්ත්රාත් තනූජා ලක්මාලි මහත්මිය නියෝග කළා.
පසුගිය නඩු වාරයේදී සතියක් තුළ විමර්ශන අවසන් කරන ලෙස මහෙස්ත්රාත්වරිය විමර්ශන නිලධාරීන් ට නියෝග කළ අතර නඩුව අද (08) නඩුව කැඳවු අවස්ථාවේ දී අල්ලස් කොමිසමේ නිලධාරීන් අධිකරණය හමුවේ කරුණු දක්වමින් මෙම සැකකරුට අදාළ විමර්ශන අවසන් කර තිබෙන බව සඳහන් කළ බවයි දසත අධිකරණ වාර්තාකාරිණිය සඳහන් කළේ.
විත්තිය වෙනුවෙන් පෙනී සිටි ජනාධිපති නීතිඥ කාලිංග ඉන්දතිස්ස මහතා අධිකරණය හමුවේ කරුණු දක්වමින් මෙම සැකකරුට අදාළ විමර්ශන කටයුතු අවසන් වී ඇති නිසාත් මෙම සැකකරු සාක්ෂිකරුවන්ට තර්ජනය කර ඇති බවට පැමිණිලි ඉදිරිපත් වී නොමැති නිසාත් ඔහු ඇප මත මුදාහරින ලෙස ඉල්ලා සිටියා.
ඉදිරිපත් වූ කරුණු සලකා බැලූ මහෙස්ත්රාත්වරිය අදාළ සැකකරු රුපියල් 50,000/-ක මුදල් ඇප සහ රුපියල් මිලියනය බැගින් වූ ශරීරය ඇප පහක් මත මුදාහැරීමට නියම කළා.
ඉන් අනතුරුව සැකකරුගේ විදේශ ගමන් තහනම් කිරීමේ නියෝගයක් ද නිකුත් කළා.
සැකකාර පුද්ගලයා අත්අඩංගුවට ගැනීමට පෙර සිද්ධියේ සාක්ෂිකරුවන්ට මරණීය තර්ජන එල්ල කර ඇති බවට කරුණු අනාවරණය වී ඇති බව විමර්ශන නිලධාරීන් පසුගිය නඩු වාරයේ දී අධිකරණයට දැන්වූවා.
මෙම සිද්ධියට අදාළව අම්පාර දිස්ත්රික්කයේ භූ විද්යා හා පතල් කාර්යාංශයේ අධ්යක්ෂ ඉංජිනේරුවරයාගෙන් දිවුරුම් ප්රකාශයක් ලබාගත් බවත් සැකකරුගේ බලපෑම් මත අදාළ බලපත්රය නිකුත්කර කළ බව ඔහුගේ ප්රකාශයේ සඳහන් වන බව ද එම නිලධාරීන් අධිකරණයට පෙන්වා දුන්නා.
වැලි ගොඩ දැමීම සඳහා වන බලපත්රයක් නිකුත් කිරීම සඳහා පොලොන්නරුව ප්රදේශයේ ව්යපාරිකයෙකුගෙන් රුපියල් ලක්ෂ 15 ක අල්ලසක් ඉල්ලීම සම්බන්ධයෙන් හිටපු රාජ්ය අමාත්ය වියාලේන්ද්රන් මහතාගේ පෞද්ගලික ලේකම්වරයෙකු ඇතුළු දෙදෙනෙකු මීට පෙර අල්ලස් කොමිසම මගින් ඉකුත් වසරේ අත්අඩංගුවට ගෙන රක්ෂිත බන්ධනාගාර ගත කොට පසුව අධිකරණය විසින් ඇපමත මුදාහැර තිබුණා.
