ආණමඩුව, තෝණිගල ප්‍රදේශයේ පදිංචිව සිටි කාන්තාවක් අකුණු සැර වැදීමෙන් ජීවිතක්ෂයට පත්ව තිබෙනවා. මෙලෙස ජීවිතක්ෂයට පත්ව ඇත්තේ අනුෂා උදයංගනී නම් 26 හැවිරිදි එක්දරු මවක්.අදාල කාන්තාව අද (08) උදෑසන සුළු වැසි තත්ත්වයක් පැවති අවස්ථාවක, පොල් ගෙඩියක් මිලදී ගැනීමට පැමිණි කාන්තාවකට පොල් ගෙඩියක් ලබාදීම සඳහා යකඩ උලකින් පොල් ගෙඩියක් ලෙලි ගසමින් සිටියදී මෙලෙස අකුණු සැර වැදී තිබෙනවා.
ප්‍රදේශවාසීන් සැකකරන්නේ මෙම අකුණු සැර ආසන්නයේ තිබු සන්නිවේදන කුලුණකට වැදිමේන් පසු එහි ඇති අකුණු සන්නායක නිසා එයින් ඇතට විසිවි කර ඇති බවත් ඉන් පසුව මෙම කාන්තාව පොල් ලෙලි ගසමින් තිබු යකඩ සහිත පොල් උලට වැදි ඇති බවයි.
අනතුරුව එම කාන්තාව රෝහල් ගතකර ඇති අතර ඒ වනවිටත් ඇය ජීවිතක්ෂයට පත්ව සිටි බවයි වාර්තා වන්නේ.අකුණු සැර වැදීමෙන් ඒ අසල සිටි තවත් කාන්තවක් කම්පනයට පත්ව රෝහල් ගතව මේ වනවිට ප්‍රතිකාර ලබනවා.
