ඉදිරියේ දී පොලිස් සේවය සඳහන් නිලධාරීන් 10,000ක් බඳවා ගැනීමට කටයුතු කරන බව වැඩබලන පොලිස්පති ප්රියන්ත වීරසූරිය පවසනවා.
අද (17) පෙරවරුවේ රජයේ ප්රවෘත්ති දෙපාර්තමේන්තුවේ පැවති විශේෂ ප්රවෘත්ති සාකච්ඡාවක දී වැඩබලන පොලිස්පතිවරයා මේ බව සඳහන් කළා.
ඒ, සඳහා රජය විසින් ශ්රී ලංකා පොලිස් දෙපාර්තමේන්තුව සඳහා උපදෙස් ලබා දී ඇති බවයි ඔහු පැවසුවේ.
නිලධාරීන් විශ්රාම යාම, රාජකාරියේ නිරතව සිටින නිලධාරීන් හදිසියේ ජීවිතක්ෂයට පත්වීම ඇතුළු හේතුවෙන් මෙලෙස පොලිසිය තුළ නිලධාරී හිඟයක් පවතින බවයි වාර්තා වුණේ.
මේ අතර ප්රභූ ආරක්ෂව සඳහා යොදවා සිටි පොලිස් නිලධාරීන් 2,000ක් පමණ යළිත් පොලිස් ස්ථානවල සේවය සඳහා යෙදවීමට හැකිවීම සම්බන්ධයෙන් නිලධාරී හිඟය පියවා ගැනීමට යම් සහනයක් වී ඇති බව ද වැඩබලන පොලිස්පතිවරයා මෙහිදී සඳහන් කර සිටියා.
එමෙන්ම 40%ක පමණ පොලිස් නිලධාරීන් ප්රමාණයක් තමන් ජීවත්වන ප්රදේශයේම පොලිස් ස්ථානවල රාජකාරී කටයුතු සිදුකරන බවයි සඳහන් කළේ.
එහිදී වැඩබලන පොලිස්පතිවරයා පවසා සිටියේ; ගමේ පොලිස් නිලධාරීන් ගමේ පොලිස් ස්ථානයේ රාජකාරී කටයුතු සඳහා යොදවා නොගැනීමේ දැඩි ස්ථාවරයක රජය පසුවන බවයි.
