රුපියල් මිලියන 97ක් වටිනා කොකේන් මත්ද්‍රව්‍ය තොගයක් සමඟ විදෙස් ජාතිකයෙක් කටුනායක ගුවන් තොටුපොළේ දී අත්අඩංගුවට ගෙන තිබෙනවා.
මෙලෙස අත්අඩංගුවට ගෙන ඇත්තේ 66 හැවිරිදි බොස්නියානු ජාතිකයෙක්.
මොහු සිය ගමන් මල්ලේ පාද පිරිසිදු කිරීමට යොදාගන්නා බ්‍රස් 114ක් තුළ කොකේන් මත්ද්‍රව්‍ය කිලෝ ග්‍රෑම් 02යි ග්‍රෑම් 759ක් , සූක්ෂම ලෙස සඟවාගෙන රැගෙන විත් ඇති බවයි අනාවරණය වී ඇත්තේ.
සැකකාර විදෙස් ජාතිකයා මත්ද්‍රව්‍ය තොගය රැගෙන කොලොම්බියාවෙන් ගමන් ආරම්භ කර කටාර් රාජ්‍යයේ දෝහා වෙත පැමිණ තිබෙනවා.
අනතුරුව ඔහු එතැන් සිට කටාර් ගුවන් සේවයේ කිව්.ආර්.- 662 දරණ ගුවන් යානයෙන් අද (08) දින අලුයම 02.40ට කටුනායක ගුවන් තොටුපොළ වෙත පැමිණ ඇති බවයි වාර්තා වුණේ.
අත්අඩංගුවට ගත් විදෙස් ජාතිකයා සහ ඔහු රැගෙන ආ කොකේන් මත්ද්‍රව්‍ය තොගය වැඩිදුර විමර්ශන කටයුතු සදහා කටුනායක ගුවන් තොටුපොළ පොලිස් මත්ද්‍රව්‍ය කාර්යාංශයේ නිලධාරීන් වෙත භාරදීමට පියවර ගෙන තිබෙනවා.
