ප්‍රතිසංස්කරණ කළ කොළඹ – අනුරාධපුරය දුම්රිය මාර්ගයේ තත්ත්වය පරීක්ෂා කිරීමේ නිරීක්ෂණ චාරිකාවක ඊයේ නිරත වී තිබෙනවා.
ඒ, අනුව දුම්රිය නියෝජ්‍ය සාමාන්‍යාධිකාරීවරයා එම දුම්රියේ මාර්ගයේ ගමන් කරමින් ජනතාවට පහසුවෙන් ගමන් කළ හැකි ලෙස එහි ප්‍රතිසංස්කරණ කටයුතු නිසි ලෙස අවසන් කර ඇත්දැයි පරීක්ෂා කළා.
එම නිරීක්ෂණ චාරිකාවෙන් පසු අදහස් දක්වමින් දුම්රිය නියෝජ්‍ය සාමාන්‍යාධිකාරී එන්.ජී ඉඳිපොලගේ පැවසුවේ දුම්රිය මාර්ගය ප්‍රතිසංස්කරණ කළ ද තවමත් යම් යම් අඩුපාඩු පවතින බවයි.
ඇතැම් ස්ථානවල සංඥා පුවරුවල අඩුපාඩුවක් පවතින බවත්, ඇතැම් දුම්රිය ස්ථානවලට පැමිණීමේ අපහසුතාවය මහජනතාවට පවතින බවත්, ඒවායේ අනෙකුත් යටිතල පහසුකම්වල අඩුපාඩු ඇති බවත් සාමාන්‍යාධිකාරීවරයා කියා සිටියා.
වැඩිදුරටත් අදහස් දක්වමින් ඔහු කියා සිටියේ දුම්රිය මාර්ගයේ පවතින සංඥා පුවරුවල අඩුපාඩුව මහජනතාවගේ ආරක්ෂාවට විශාල බලපෑමක් සිදුවන බවයි.
මේ තුළින් රාජ්‍ය දේපළවලට පවා හානිවීමක් සිදුවීමට ඉඩ ඇති බවත් ඔහු කියා සිටියා.
ඒ, අනුව මගී ජනතාවගේ ආරක්ෂාව තහවුරු කරමින් සුදුසු පරිදි දුම්රිය මාර්ගයේ පවතින අඩුපාඩු සකසන තෙක් ප්‍රතිසංස්කරණ කළ කොළඹ – අනුරාධපුරය දුම්රිය මාර්ගයේ දුම්රිය ධාවනයට අවස්ථාවක් නොමැති බවයි දුම්රිය සාමාන්‍යාධිකාරීවරයා මෙම නිරීක්ෂණ චාරිකාවෙන් පසු පවසා සිටියේ.
ඒ, අනුව හැකි ඉක්මනින් එම අඩුපාඩු සකස් කර මහජනතාවගේ පහසුව වෙනුවෙන් දුම්රිය ධාවනය ආරම්භ කරන බව ද ඔහු මෙහිදී සඳහන් කර සිටියා.
wpDiscuz
