වනඅලියෙකු සිදු කළ පහරදීමකින් පුද්ගලයෙකු ජීවිතක්ෂයට පත් ව තිබෙනවා.
මෙම ඛේදවාචකය සිදු ව ඇත්තේ; එප්පාවල පොලිස් වසමේ නල්ලමුදාව, කොලොංගස්හංදිය ප්‍රදේශයේදීයි.
එප්පාවල – නල්ලමුදාව පදිංචි ඩී. සාලියරත්න නම් 52 හැවිරිදි පුද්ගලයෙක් මෙලෙස මියගොස් තිබෙනවා.
ඊයේ (13) පස්වරු 7.00 ට පමණ සිය 06 හැවිරිදි දියණියට බෙහෙත් ගෙන ඒම සඳහා , බිරිඳ ද සමගින් යතුරුපැදියෙන් එප්පාවල දෙසට ගමන් කරමින් සිටියදීයි මාර්ගයේ රැඳී සිටි වනඅලියකුගේ පහරකෑමට ලක් ව ඇත්තේ.
බිරිඳ සහ දියණිය දිවගොස් බේරී ඇති අතර යතුරුපැදිකරු වනඅලියාට ගොදුර ව තිබෙනවා.
වනඅලියා පහරදීමෙන් බරපතළ තුවාල ලැබූ එම පුද්ගලයා එප්පාවල ප්‍රාදේශීය රෝහලට ඇතුළත් කිරීමට කටයුතු කළ ද ඒ වන විටත් ඔහු ජීවිතක්ෂයට පත්ව සිටි බව රෝහල් ආරංචි මාර්ග පවසනවා.
ඔබේ ප්‍රතිචාරය කුමක්ද ?
+1
+1
+1
+1
+1
+1
+1
