සංචාරක බටහිර ඉන්දීය කොදෙව් කණ්ඩායම සහ ශ්රී ලංකාව අතර පළමු විස්සයි විස්ස තරගය ආරම්භ කිරීම ප්රමාද වී තිබෙනවා.
ක්රීඩාංගණයට පවතින අයහපත් කාලගුණ තත්ත්වය සමඟ අද (13) පස්වරු 7.00ට ආරම්භ කිරීමට නියමිතව තිබූ තරග පස්වරු 7.30ට ආරම්භ කිරීමටයි විනිසුරුවරුන් මේ වනවිට තීරණය කර ඇත්තේ.
තරගය ප්රමාද වී ආරම්භ වුවද නියමිත පරිදි තරගයේ දී පන්දුවාර විස්සම ක්රියාත්මක කරන බවයි තොරතුරු වාර්තා වුණේ.
මේ වනවිටත් දඹුල්ල ක්රීඩාංගණය භාර සේවකයින් තරගය ක්රීඩා කිරීමට සුදුසුවන ලෙස ක්රීඩාංගණයේ ජලය ඉවත්කර වියළීමේ කටයුතු සිදුකරමින් පවතිනවා.
