එක්සත් ජනපද ආරක්ෂක අංශයේ ජ්යේෂ්ඨ නිලධාරි අද්මිරාල්; ස්ටීව් කොහ්ලර් හා ජනාධිපති අනුර කුමාර දිසානායක මහතා අතර නිල හමුවක් සිදු වුණා.
ඊයේ (10) ජනාධිපති ලේකම් කාර්යාලයේ දී මෙම නිල හමුව සිදු වූ බවයි වාර්තා වන්නේ.
ඉන්දියන් සාගරයේ වැඩිවන ආරක්ෂක අභියෝගවලට මුහුණදීම, සමුද්ර කලාප පිළිබඳ දැනුවත්භාවය වැඩිදියුණු කිරීම සහ ආපදා සම්බන්ධයෙන් වගකීම් වැඩි දියුණු කිරීම පිළිබඳව මෙහිදී සාකච්ඡා කර තිබෙනවා.
මත්ද්රව්ය ජාවාරම් සහ ත්රස්තවාදය වැනි ජාත්යන්තර තර්ජනවලට එරෙහි සටනට ශ්රී ලංකාවට සහාය දෙන බවයි එක්සත් ජනපද ආරක්ෂක නිලධාරියා මෙහිදී තහවුරු කළේ.
කෝලර් මහතා විසින් මත්ද්රව්ය ජාවාරමට එරෙහිව ශ්රී ලංකාව ගෙන යන අඛණ්ඩ උත්සාහයන් ද ඇගයීමට ලක් කරනු ලැබුවා.
නාවික හමුදාවේ මානව බල පුහුණුව සඳහා එක්සත් ජනපදයේ සහාය අඛණ්ඩව ශ්රී ලංකාවට ලබා දෙන බවට ද ඔහු මෙහිදී ජනාධිපතිවරයාට සහතික වී තිබෙනවා.
මෙම අවස්ථාවට ශ්රී ලංකාවේ අමෙරිකානු තානාපතිනි ජූලි චන්ග් ද එක්ව සිටියා.
