බලහත්කාර පැහැර ගැනීම්වලට එරෙහිව බලුකිස්තානයේ විරෝධතා

බලහත්කාරයෙන් සිදුකෙරන පැහැර ගැනීම් සහ ඝාතනයන්ට එරෙහිව බලුකිස්තානය පුරා විරෝධතා ආරම්භ වී තිබෙනවා.

පීඩාවට පත් පවුල් සහ නීති සංගම්, දැනට පවතින මානව හිමිකම් ගැටළු සහ බලහත්කාරයෙන් අතුරුදන් කිරීම් කෙරෙහි අවධානය යොමු කරමින් මෙම විරෝධතා සිදු කරනවා.

ඔවුන් චීන-පකිස්තාන ආර්ථික කොරිඩෝව වෙත පිවිසෙන මහාමාර්ගය පවා අවහිර කළා.

බලහත්කාරයෙන් අතුරුදන් කරවූවන් අතර පාසල් සිසුන්, ව්‍යාපාරිකයන් මෙන්ම නීතිඥයින් ද වනවා.

ඇතමෙක් ආයුධ සන්නද්ධ පිරිස් විසින් පැහැර ගෙන ගොස් ඇති අතර නීත්‍යානුකූල ආරක්ෂක අංශයන්ට ද පැහැර ගැනීමේ චෝදනා එල්ල වී තිබෙනවා.