අරුන්දික ප්රනාන්දු මහතා ස්වාධීන මන්ත්රීවරයෙකු ලෙස කටයුතු කිරීමට තීරණය කර තිබෙනවා.
අද (04) පෙරවරුවේ රැස් වූ පාර්ලිමේන්තු සභා වාරයේ දී විශේෂ ප්රකාශයක් සිදු කරමින් රාජ්ය අමාත්යවරයා මේ බව කියා සිටියා.
නාගරික සංවර්ධන හා නිවාස රාජ්ය අමාත්යවරයා ලෙස කටයුතු කරන අරුන්දික ප්රනාන්දු පැවසුවේ ජනාධිපතිවරයාට සහ විපක්ෂ නායක සජිත් ප්රේමදාස මහතාට ඉදිරි ජනාධිපතිවරණයේ දී හැකිනම් එක්ව කටයුතු කරන ලෙස තමන් අත් දෙක එකතු කර ඉල්ලා සිටින බවටයි.
ජනාධිපතිවරණය ආසන්නයේ දී රාජ්ය නිලධාරීන් අබියස බොරුව වපුරවමින් සිටින බවත්, රටේ කැරලි දෙකක් හේතුවෙන් තරුණ තරුණියන්ගේ ජීවිත විනාශ වූ බවත් රාජ්ය අමාත්යවරයා පාර්ලිමේන්තුව අමතමින් මතක් කර සිටියා.
සමාජ මාධ්ය හරහා තරුණ තරුණියන්ගේ මනස විකෘති කිරීමේ දේශපාලන ව්යාපාරයක් ද පවතින බවයි හෙතෙම පැවසුවේ.
තමන් අද සිට ස්වාධීන මන්ත්රීවරයෙක් වශයෙන් මේ අශුද්ධ සංවිධානය පරාජයට පත් කිරීමට හැකි ඕනෑම කෙනෙකු සමග සාකච්ඡා කිරීමට සූදානම් බවයි රාජ්ය අමාත්ය අරුන්දික ප්රනාන්දු වැඩිදුරටත් පැවසුවේ.
ශ්රී ලංකා පොදුජන පෙරමුණ නියෝජනය කරමින් පුත්තලම් දිස්ත්රික්කයෙන් රාජ්ය අමාත්ය අරුන්දික ප්රනාන්දු පාර්ලිමේන්තුවට තේරී පත් වුණා.
wpDiscuz
