ජර්මනියේ සෝලින්ගන් නගරයේ ඉකුත් සෙනසුරාදා (24දා) සිදු වූ පිහිඇනුමේ වගකීම ISIL (Islamic State of Iraq and the Levant) සංවිධානය භාරගෙන තිබෙනවා.
ISIL සංවිධානයේ අමාක් (Amaq) ප්රවෘත්ති වෙබ් අඩවිය නිවේදනයක් පළ කරමින් පවසා ඇත්තේ; පලස්තීනය ඇතුළු ලොව පුරා පීඩාවට පත් ව සිටින මුස්ලිම් ප්රජාව වෙනුවෙන් පළිගැනීමේ අරමුණින් කිතුනුවන් ඉලක්ක කළ ප්රහාරකයා ISIL සංවිධානයේ සාමාජිකයකු බවයි.
මෙම ප්රහාරයෙන් පුද්ගලයන් තිදෙනකු මියගොස් තවත් සිව් දෙනෙක් බරපතළ තුවාල ලබා ඇති බව ද අල්ජසීරා පුවත් සේවය වාර්තා කරනවා.
ISIL සාමාජිකයා එහි සංගීත සංදර්ශනයක් පැවැත්වෙන ස්ථානයක සිටි පුද්ගලයන්ට මෙම ප්රහාර එල්ල කිරීමෙන් අනතුරුව පලා ගොස් ඇති බවයි වාර්තා වන්නේ.
එරට ආරක්ෂක අංශ සිදුකළ විමර්ශනයේ දී ඝාතනයට සම්බන්ධ ප්රධාන සැකකරු සහ තවත් පුද්ගලයන් දෙදෙනකු අත්අඩංගුවට ගෙන ඇති බව ද විදෙස් මාධ්ය වාර්තා වැඩිදුරටත් සඳහන් කරනවා.
