ආසියානු කුසලාන කාන්තා 20-20 ක්‍රිකට් තරගාවලියේ අවසන් මහා තරගයට තේරී පත් වූ පළමු කණ්ඩායම බවට පත්වීමට ඉන්දීය කාන්තා කණ්ඩායමට අද (26) හැකියාව ලැබුණා.
ඒ, තරගාවලියේ පළමු අවසන් පූර්ව තරගයේ දී බංග්ලාදේශ කණ්ඩායම පරාජය කරමින්.
දඹුල්ල ජාත්‍යන්තර ක්‍රිකට් ක්‍රීඩාංගණයේ දී පැවති මෙම තරග ඉන්දීය කාන්තා කණ්ඩායම ජයගත්තේ කඩුලු 10කින්.
මෙම තරගයේ කාසිය වාසිය දිනූ බංග්ලාදේශ ක්‍රීඩිකාවන් පළමුව පන්දුවට පහරදීමට තීරණය කළා.
ඒ, අනුව බංග්ලාදේශ ඉනිම ලකුණු නියමිත පන්දුවාර 20 තුළ කඩුලු 08ක් දැවී ලකුණු 80කට සීමා කරන්නට ඉන්දීය පන්දු බලඇණිය සමත් වුණා.
අනතුරුව පිළිතුරු ඉනිම ක්‍රීඩා කළ ඉන්දීය ක්‍රීඩිකාවන් ලකුණු 81ක ජයග්‍රාහී ඉලක්කය පන්දුවාර 11ක් තුළ කිසිවෙක් නොදැවී පසුකර ගියා.
එහිදී ඉන්දීය ඉනිම වෙනුවෙන් ස්මෘති මන්දනා අර්ධ ශතකයක් රැස් කිරීමට සමත් වුණා.
ආසියානු කුසලාන කාන්තා 20-20 ක්‍රිකට් තරගාවලියේ දෙවන අවසන් පූර්ව තරගය අද (26) රාත්‍රියේ ශ්‍රී ලංකාව සහ පාකිස්ථානය අතර පැවැත්වීමට නියමිතයි.
