කළුතර වෙරළේ පරිසර සංරක්ෂණ කටයුත්තකට සහභාගි වී සිටි, පරිපාලන නිලධාරියෙකුට, කළුතර දකුණ පොලිසියේ නිලධාරීන් සිව් දෙනෙක් සිදු කළ පහරදීමක් හේතුවෙන්, එම නිලධාරියා රෝහල්ගත කර තිබෙනවා.
ඔහු පවසන්නේ, සිවිල් ඇඳුමින් සිටි පොලිස් නිලධාරින් සිව් දෙනෙකු, තම අනන්යතාව පිළිබඳ විමසා, මෙම පහරදීම සිදු කළ බවයි.
මෙසේ රෝහල්ගත ව ඇත්තේ කළුතර – බෝම්ඹුවල ප්රදේශයේ පදිංචි වීරවර්ණ ප්රේමරත්න නමැති රේගු අමාත්යාංශයේ පරිපාලන නිලධාරියෙක්.
ඔහු ජාත්යන්තර පරිසර දින වැඩසටහනක් වෙනුවෙන් පෙරේදා (22) කළුතර වෙරළේ පරිසර සංරක්ෂණ කටයුත්තකට ගොස් නැවත පැමිණෙමින් සිටියදී සිවිල් ඇඳුමින් සැරසී සිටි පුද්ගලයින් සිව් දෙනෙකු ඔහුගේ අනන්යතාව පිළිබඳව විමසා තිබෙනවා.
අදාළ නිලධාරීන් සිවිල් ඇඳුමින් සිටිම හේතුවෙන් ඔවුන් කවුරුන් ද යන්න ඔහු විමසා ඇති අතර එහි දී ඇති වූ කතාබහකින් පසු පහරදීම සිදු ව ඇති බවයි ඔහු පවසන්නේ.
කෙසේ වෙතත් ඔහු මේ වන විට කළුතර ශික්ෂණ රෝහලේ ප්රතිකාර ලැබීමෙන් පසු රෝහලින් පිටව ගොස් තිබෙනවා.
මේ සම්බන්ධයෙන් අප කළුතර දකුණ පොලිසියෙන් සිදු කළ විමසීමකදී ඔවුන් සඳහන් කළේ කළුතර වෙරළේ ගැවසෙන සොරුන් සහ බාලවයස්කාර දැරියන් අපයෝජනයට ලක්වීම පිළිබඳ සොයා බැලීම සඳහා සිවිල් ඇඳුමින් පොලිස් නිලධාරීන් යොදවා ඇති බවයි.
එහිදී සිදුකළ පරීක්ෂාවේ දී අනන්යතාව තහවුරු කිරීමට නොහැකි ව ඔහු පොලිසියට ගෙන්වා පසුව පොලිස් ඇප මත මුදාහල බව ද පොලිසිය සඳහන් කළා.
