ග්ලැසියර දියවීමෙන් ඇති වූ හදිසි ගංවතුර හේතුවෙන් පාකිස්තානයේ ස්කාර්දු හි නිවාස ගණනාවකට මෙන්ම වගාබිම් රැසක් විනාශ වී ඇති.අතර තවත් නිවාස රැසක පුද්ගලයන් ආරක්ෂිත ප්‍රදේශවලට ඉවත් කිරීමට සිදුව තිබෙනවා.
ගංවතුර හේතුවෙන් බර්ගි නුල්ලා ආශ්‍රිත ගම්මාන රැසකට බලපෑම් එල්ල වී ඇති අතර ජල සම්පාදන හා වාරිමාර්ගවලට ද හානි සිදුවී ඇති අතර ප්‍රදේශවාසීන්ට ජල සැපයුම ද අඩාල වුණා.
ගංවතුර ජනාවාසවලට සහ කෘෂිකාර්මික ප්‍රදේශවලට ඇතුළුවීම වැළැක්වීමට වහා පියවර ගන්නා ලෙස ප්‍රදේශවාසීන් රජයට බලකරනවා.
ප්‍රාදේශීය බලධාරීන් පවසන්නේ ජනතාව ස්වභාවික ජල මාර්ග අවහිර වන ලෙස අනවසර ඉදිකිරීම් සිදු කිරීම හදිසි ජල ගැලීම්වලට හේතුව බවයි.
දේශගුණික විපර්යාස අමාත්‍යාංශයේ නිල ලේඛනවලට අනුව උෂ්ණත්වය ඉහළ යාම හේතුවෙන් පාකිස්තානයේ උතුරු කඳුවැටිවල (හින්දු කුෂ්, හිමාලය සහ කරකෝරම්) ග්ලැසියර වේගයෙන් දියවෙමින් පවතිනවා.
