ජූලි 01 වැනිදා සිට චීන පුරවැසියන්ට වීසා රහිත ව රට තුළට ඇතුළුවීම අත්හිටුවන බව ඉක්වදෝරය පවසනවා.
අක්‍රමවත් සංක්‍රමණවල දරාගත නොහැකි වැඩිවීම මෙම තීරණය හේතු වී තිබෙනවා.
පසුගිය වසර කිහිපය තුළ, නීතිවිරෝධීව ඇමෙරිකාවට සංක්‍රමණය වූ දහස් ගණනක් චීන පුරවැසියන්ගේ ආරම්භක මධ්‍යස්ථානය ඉක්වදෝරයයි.
එක්සත් ජනපද රේගු සහ දේශසීමා මුර සංචාර සංඛ්‍යා ලේඛනවලට අනුව, නිරිතදිග දේශසීමාවේ දී චීන ජාතිකයන් හමුවීම පසුගිය වසරේ දෙසැම්බර් මාසයේ දී 6000කට ආසන්න සංඛ්‍යාවක් දක්වා වාර්තාගත ලෙස ඉහළ ගොස් තිබෙනවා.
එක්සත් ජනපද-මෙක්සිකෝ දේශසීමාවේ සරණාගත සුදුසුකම් තාවකාලිකව සීමා කිරීමට එක්සත් ජනපද ජනාධිපති ජෝ බයිඩන් විසින් ගත් මෑත කාලීන තීරණයකට අමතරව, වොෂින්ටනය සහ බීජිං දෙපාර්ශ්වය මෙම ගැටලුව සම්බන්ධයෙන් එකට වැඩ කිරීමට උත්සාහ කරන ලකුණු දැක ගත හැකියි.
මැයි මාසයේදී චීන විදේශ කටයුතු අමාත්‍යාංශය ඇසෝසියේටඩ් ප්‍රෙස් වෙත පැවසුවේ බීජිං “සංක්‍රමණ බලාත්මක කිරීමේ ක්‍ෂේත්‍රයේ එක්සත් ජනපදය සමඟ සංවාදයක් සහ සහයෝගීතාවයක් පවත්වා ගැනීමට කැමති” බවත් සත්‍යාපනය කළ චීන ජාතිකත්වය ඇති පුද්ගලයින් ආපසු ගෙන්වා ගැනීම පිළිගන්නා බවයි.
එක්සත් ජනපදයේ රැඳී සිටීමට නීතිමය පදනමක් නොමැති චීන සංක්‍රමණිකයන් ආපසු ගෙන්වා ගැනීම චීනය පිළිගැනීමට පටන් ගෙන ඇති බව අප්‍රේල් මාසයේ දී, එක්සත් ජනපද ස්වදේශ ආරක්ෂක ලේකම්වරයා කොංග්‍රස් සභා විභාගයකදී කියා සිටියා.
මෙම වසර මුල දී, මෙක්සිකෝව ද ප්‍රධාන මාර්ගවල නව මුරපොලවල් පිහිටුවීමෙන් සහ එක්සත් ජනපදයට වැඩිපුර භාවිතා කරන හරස් මාර්ගවල මුර සංචාර වැඩි කිරීමෙන් සිය දේශසීමා පාලනය ශක්තිමත් කළ අතර එහි ප්‍රතිඵලයක් ලෙස නීතිවිරෝධී සංක්‍රමණිකයන් අත්අඩංගුවට ගැනීම් ඉහළ නංවා තිබෙනවා.
