මෙවර විස්සයි විස්ස ලෝක කුසලාන තරගාවලියේ ශ්‍රී ලංකා කණ්ඩායම ක්‍රීඩා කරන අවසන් තරගය මේ වනවිට බටහිර ඉන්දීය කොදෙව් දේශයේ ශාන්ත ලුසියා හිදී පැවැත්වෙනවා.
නෙදර්ලන්තයට එරෙහිව පැවැත්වෙන මෙම තරගයේ පළමුව පන්දුවට පහර දෙන ශ්‍රී ලංකා පිළේ ආරම්භය අදත් සාර්ථක එකක් වූයේ නැහැ.
ඒ, ශ්‍රී ලංකා ඉනිමේ දෙවන පන්දුවෙන්ම ආරම්භක පිතිකරු පැතුම් නිශ්ශංක ලකුණු නොලබාම දැවීයාමත් සමඟයි.
විවියන් කිංමාගේ පන්දුවකට තර්ඩ් මෑන් කලාපයේ පන්දු රකිමින් සිටි සයිබ්‍රෑන්ඩ් එංගල්බ්‍රෙක්ට් වෙත උඩ පන්දුවක් ලබාදෙමින් පැතුම් ශ්‍රී ලංකා ඉනිමේ පළමු කඩුල්ල ලෙස දැවීගියා.
මෙවර ලෝක කුසලාන තරගාවලියේ ශ්‍රී ලංකාව මීට පෙර මූලිකවටයේ තරග දෙකකට ක්‍රීඩා කළ අතර එම තරග දෙකේදීත් පැතුම් නිශ්ශංක දැවීගියේ උඩපන්දු ලබාදෙමින් වීම විශේෂත්වයක්.
ඒ, අනුව පැතුම් නිශ්ශංක මෙවර ලෝක කුසලාන තරගාවලියේ දී දැවී ගිය අවස්ථා තුනේදීම දැවී ගියේ උඩපන්දු ලබාදෙමින්.
wpDiscuz
