දීර්ඝ කාලයක සිට කළුතර සහ ඒ අවට ප්‍රදේශ රැසකටම මත්කරල් ජාවාරමේ නිරත වූ ‘පෙති රුකා’ නමින් හඳුන්වන සැකකරුවෙක් කළුතර කොට්ඨාස විෂ මත්ද්‍රව්‍ය වැටලීම් ඒකකය මඟින් අත්අඩංගුවට ගෙන තිබෙනවා.
කළුතර උතුර තොටුපළ පාරේ දී මෙම සැකකරු අත්අඩංගුවට ගෙන ඇති බවයි පොලිසිය සඳහන් කළේ.
බාල වයස්කරුවන් සහ උපකාරක පංතිවලට සහභාගී වන සිසුන් හා විවිධ තරාතිරම්වල පුද්ගලයින් ඉලක්ක කරගෙන සැකකරු මෙම මත්පෙති ජාවාරම සිදුකරගෙන ගොස් ඇති බවයි අනාවරණය වී ඇත්තේ.
අත්අඩංගුවට ගැනුණු සැකකරු සන්තකයේ තිබී මත්කරල් 400 කට ආසන්න ප්‍රමාණයක් සහ කේරල ගංජා ග්‍රෑම් තුන්සියයකට ආසන්න ප්‍රමාණයක් සොයාගෙන තිබෙනවා.
මෙම සැකකරු මීට පෙර ද මත්කරල් හා මත්පෙති ජාවාරම් සම්බන්ධයෙන් අධිකරණ ක්‍රියාමාර්ග ක්‍රියාත්මක වෙමින් පවතින ලේඛනගත සැකකරුවෙකු බවට හඳුනාගෙන තිබෙනවා.
අත්අඩංගුවට ගත් වයස අවුරුදු 29ක් වන මෙම සැකකරු අද (17) දින කළුතර මහේස්ත්‍රාත් අධිකරණයට ඉදිරිපත් කිරීමට නියමිතයි.
