ශ්රී ලංකාවේ අපනයන ක්ෂේත්රයේ සංවර්ධනය වෙනුවෙන් මහජන බැංකුව සහ ශ්රී ලංකා අපනයන සංවර්ධන මණ්ඩලය අද (14) අවබෝධතා ගිවිසුමකට අත්සන් තැබුවා.
මේ සඳහා වන ගිවිසුම් හුවමාරුකර ගැනීම මහජන බැංකුවේ සභාපති සුජීව රාජපක්ෂ සහ ශ්රී ලංකා අපනයන සංවර්ධන මණ්ඩලයේ සභාපති ආචාර්ය කිංස්ලි බර්නාඩ් අතර සිදු වුණා.
මෙම හවුල්කාරිත්වය යටතේ මහජන බැංකුවේ දැනට සිටින අපනයනකරුවන්ගේ අපනයන හැකියාවන් ඉහළ නැංවීමට, නව අපනයනකරුවන් දිරිමත් කිරීම සහ වක්ර අපනයනකරුවන් ඍජු අපනයනකරුවන් බවට ඉහළ නැංවීම සඳහා මූල්ය උපදේශන සේවා, මුදල් පහසුකම් සහ වෙළඳ මූල්ය සහයෝගය ලබාදෙනු ඇති.
මෙම අවබෝධතා ගිවිසුම අත්සන් කිරීමේ අවස්ථාවට මහජන බැංකුවේ ප්රධාන විධායක නිලධාරී/ සාමාන්ය අධිකාරී ක්ලයිව් ෆොන්සේකා, නියෝජ්ය සාමාන්ය අධිකාරී (ව්යවසායකත්ව බැංකු කටයුතු) වික්රම නාරායන ඇතුළු ආයතනික හා විධායක කළමනාකාරිත්වය, අපනයන සංවර්ධන මණ්ඩලයේ වැඩබලන අතිරේක අධ්යක්ෂ ජෙනරාල් (සංවර්ධන) අනෝමා ප්රේමතිලක, ප්රදේශය සංවර්ධන අශයේ අධ්යක්ෂ සේපාලිකා ජයවර්ධන, වෙළඳ පහසුකම් හා වෙළඳ තොරතුරු අංශයේ අධ්යක්ෂ ආචාර්ය සංජීව රත්නසේකර ඇතුළු අපනයන සංවර්ධන මණ්ඩලයේ නිලධාරීන් සහභාගී වුණා.
