මේ වසරේ ගතවූ කාල සීමාව තුළ දිවයින පුරා වෙඩි තැබීමේ සිද්ධීන් 30ක් වාර්තා වී ඇති බව පොලිස් මාධ්ය ප්රකාශක නියෝජ්ය පොලිස්පති නිහාල් තල්දූව කියා සිටියා.
ඉන් 21 දෙනෙක් මිය ගොස් 14 දෙනෙකු තුවාල ලබා තිබෙනවා.
මේ අතර ඇල්පිටිය පිටිගල ප්රදේශයේ සිදුවූ ද්විපුද්ගල ඝාතන සිද්ධිය දීර්ඝ කාලයක් සිදුවූ අපරාධවල පලීගැනීමේ ක්රියාවලියක ප්රතිඵලයක් බවට මේ වන විට අනාවරණය වී ඇතැයි නියෝජ්ය පොලිස්පතිවරයා වැඩිදුරටත් කියා සිටියා.
පිටිගල – ගුරුවල ප්රදේශයේ වෙළෙඳසැලක් අසලදී ඊයේ (11) රාත්රියේ සිදුවූ වෙඩි තැබීමකින් පුද්ගලයින් දෙදෙනෙකු මියගොස් තවත් 03 දෙනෙකු තුවාල ලැබුවා.
යතුරුපැදියකින් පැමිණි පුද්ගලයින් දෙදෙනෙකු විසින් එම වෙඩිතැබීම සිදුකර තිබූ අතර, ඒ සඳහා ටී – 56 වර්ගයේ ගිනි අවියක් යොදාගෙන ඇති බවටයි පොලිසිය සැක පළ කරන්නේ.
වෙඩි ප්රහාරයෙන් තුවාල ලැබූ පුද්ගලයින් අතරින් එක් අයෙකු ඇල්පිටිය රෝහලටත් තවත් දෙදෙනෙකු ගාල්ල – කරාපිටිය රෝහලටත් ඇතුළත් කෙරුණා.
අද (12) දින පැවති ප්රවෘත්ති සාකච්ඡාවකදී මේ සම්බන්ධයෙන් අදහස් දැක්වූ නියෝජ්ය පොලිස්පති නිහාල් තල්දූව කියා සිටියේ මෙම ද්විපුද්ගල ඝාතන සිද්ධිය දීර්ඝ කාලයක් සිදුවූ අපරාධවල පලීගැනීමේ ක්රියාවලියක ප්රතිඵලයක් බවට මේ වන විට අනාවරණය වී ඇති බවයි.
මේ අතර, අම්බලන්ගොඩ – ගලගොඩ ප්රදේශයේ වෙළෙඳසැලක් තුළ සිදුවූ තවත් වෙඩි තැබීමකින් පුද්ගලයින් දෙදෙනෙකු මියගොස් පුද්ගලයින් 03 දෙනෙකු තුවාල ලැබුවා.
යතුරුපැදියකින් පැමිණි පුද්ගලයින් දෙදෙනෙකු විසින් ඊයේ (11) රාත්රියේ එම වෙඩිතැබීම සිදුකර තිබූ අතර, තුවාලකරුවන් ප්රතිකාර සඳහා ඇතුළත් කෙරුණේ බලපිටිය රෝහලටයි.
මේ අතර මෙම වසරේ ජනවාරි පළමුවැනිදා සිට මේ දක්වා කාලය තුළ දිවයින පුරා සිදුවූ වෙඩි තැබීමේ සිද්ධීන් 30කින් පුද්ගලයින් 21 දෙනෙක් මිය ගොස් 14 දෙනෙකු තුවාල ලබා තිබෙනවා.
ඒ රටේ අපරාධ, මත්ද්රව්ය සහ පාතාල ක්රියාකාරකම් මැඩලීමට යුක්තිය නමින් මෙහෙයුමක් ක්රියාත්මක වන පසුබිමකයි.
