ගෘහ සේවිකාවන් ලෙස මැදපෙරදිග රටවලට සේවය සඳහා යන කාන්තාවන්ට අත්වන සෝචනීය ඉරණම් පිළිබඳව අප වාර්තා කර ඇත්තේ වරක් දෙවරක් නොවෙයි.
මේ අනාවරණයත් සෞදි අරාබියාවේ ගෘහසේවයට ගොස් දුක් ගැහැටවලට ලක් වන තවත් කාන්තාවන් සිව්දෙනෙක් පිළිබඳවයි.
ගෘහ සේවය සඳහා මෙරටින් සෞදි අරාබියාවට ගිය කාන්තාවන් සිව් දෙනෙකු එරට රියාද් හී නිවාසයක මාස ගණනාවක සිට විවිධ හිරිහැරවලට ලක්වෙමින් දිවි ගෙවන බව වාර්තා වනවා.
මෙම කාන්තාවන්කොළඹ සහ කුරුණෑගල ප්‍රදේශවල පිහිටි විදේශ රැකියා ආයතනවලින් විදේශගත වුවන් බවයි පැවසෙන්නේ.
එක් කාන්තාවක් සඟවාගෙන සිටි දුරකථනයක් හරහා ඔවුන් තමන් මුහුණ දෙන අමිහිරි අත්දැකීම් පිළිබඳව මෙලෙස හෙළි කළා.
නිසි ලෙස ආහාරපාන නොමැතිවීම, පොරොන්දු වු වැටුප් නොගෙවීම මෙන්ම සේවයට ගිය අදාල නිවෙස් තුලදී විවිධ හිරිහැරවලට ලක්වීම ආදී කරුණු හේතුවෙන් සෞදි අරාබියාවේ රියාද් හි මහල් නිවාසයකට මෙලෙස ගෙනවිත්දමා ඇති බවයි ඔවුන් පවසන්නේ.
මොවුන් ඉල්ලා සිටින්නේ රජයේ මැදිහත්වීම මත ඔවුන්ව නැවත මෙරටට ගෙන්වා දෙන ලෙසයි.
