ඊශ්‍රායල මැතිවරණයෙන් මේ වනවිට සියයට 90 කට ආසන්න ඡන්ද සංඛ්‍යාවක් ගණන් කර ඇති අතර, පැහැදිලි ජයග්‍රාහකයෙකු නොමැති බව වාර්තාවෙනවා.
වත්මන් අගමැති නෙතන්යාහුගේ දක්ෂිණාංශික කණ්ඩායම මැතිවරණ ප්‍රතිඵල අනුව ඉදිරියෙන් සිටින නමුත් රජයක් පිහිටුවීමට අවශ්‍ය ඡන්ද ප්‍රමාණයට වඩා අඩු ආසන සංඛ්‍යාවක් ඔවුන් විසින් ජයග්‍රහණය කර තිබෙනවා..
ඒ අතර ප්‍රධාන දේශපාලන කණ්ඩායම් දෙකම රජයක් පිහිටුවීමට අවශ්‍ය ආසන 61 න් අඩුයි.
ඊශ්‍රායල මධ්‍යම මැතිවරණ කමිටුව බදාදා ප්‍රකාශ කළේ දේශීය වේලාවෙන් රාත්‍රී 9 වන විට (GMT 19:00) ඡන්ද මිලියන පහකට වඩා ගණන් කර ඇති බවයි. ඊශ්‍රායල අගමැති බෙන්ජමින් නෙතන්යාහුගේ කණ්ඩායම සාමාජිකයින් 120 කින් යුත් ක්නෙසෙට් හි ආසන 53 ක් දිනා ගැනීමට නියමිත අතර, ගාඩි අයිසන්කොට්ගේ නායකත්වයෙන් යුත් විපක්ෂ කණ්ඩායම ආසන 48 ක් ලබා ගනු ඇතැයි අපේක්ෂා කරනවාග
අඟහරුවාදා පැවති ඡන්ද විමසීමෙන් පෙන්නුම් කළේ අරාබි පක්ෂ – ඒකාබද්ධ ලැයිස්තුව සහ රආම් – වාර්තාගත ඒකාබද්ධ ආසන 19 ක් හිමිකර ගත හැකි බවයි.
අවසන් මැතිවරණ ප්‍රතිඵල බ්‍රහස්පතින්දා සවස වන විට නිකුත්විය හැකි නමුත් පැහැදිලි ජයග්‍රාහකයෙකු මතුවනු ඇතැයි අපේක්ෂා කිරීමට නොහැකිවෙනවා.
සොල්දාදුවන්, රාජ්‍ය තාන්ත්‍රිකයින් සහ වෙනත් අය ඔවුන්ගේ ලියාපදිංචි ඡන්ද මධ්‍යස්ථානවලින් පිටත ඡන්දය ප්‍රකාශ කළ විශේෂ ද්විත්ව ලියුම් කවර ඡන්ද පත්‍රිකා 500,000 කට වඩා තවමත් ගණන් කිරීමට ඉතිරිව ඇති අතර, එමඟින් ආසන ව්‍යාප්තිය වෙනස් විය හැකි බවට වාර්තාවෙනවා.
2023 ඔක්තෝබර් 7 වන දින ප්‍රහාර සහ ගාසා සංහාරයෙන් පසු පැවැත්වෙන මෙම පළමු ඡන්දය – නෙතන්යාහුගේ අගමැති ධුරය පිළිබඳ ජනමත විචාරණයක් ලෙස පුළුල් ලෙස සැලකේ. පැහැදිලි බහුතරයක් නොමැති වුවද, 77 හැවිරිදි ඔහු පරාජයට පත් වී නොමැති බවක් කියැවෙනවා.
නව රජයක් පිහිටුවන තෙක් නෙතන්යාහු භාරකාර අගමැති ලෙස කටයුතු කරනවා. නිල මැතිවරණ ප්‍රතිඵල නිකුත් වූ පසු, ලබන සතියේ නව රජයක් පිහිටුවීම පිළිබඳව ජනාධිපති අයිසැක් හර්සොග් පක්ෂ නායකයින්ගෙන් උපදෙස් ලබා ගැනීම ආරම්භ කරනවා.
රජයක් පිහිටුවීමට නොහැකිවීමේ අවස්ථාව හා තවත් ඡන්දයක් වළක්වා ගන්නා ලෙස හර්සොග් සියලු පක්ෂවලින් ඉල්ලා තිබේ. නමුත් සන්ධාන ගොඩනැගීම ඊශ්‍රායලයේ සාමාන්‍ය දෙයක් වන අතර, රටේ ඉතිහාසයේ කිසිදු පක්ෂයක් කිසිදා සම්පූර්ණ බහුතරයක් දිනා ගෙන නොමැත.
