බණ්ඩාරවෙල ශාන්ත ජෝසප් මහා විද්යාලයේ විදුහල්පති, ගුරුවරුන් හා මාපියන් අතර කලක් තිස්සේ පවතින ගැටළු හේතුවෙන් පාසලේ අධ්යාපන කටයුතුවලට දැඩි බාධා එල්ල වී තිබෙනවා.
මෙම ගැටලුව සම්බන්ධයෙන් අවස්ථා කිහිපයක දී දෙමව්පියන් විසින් විරෝධතාවයන් ද පවත්වනු ලැබුවා.
මේ අතර පවතින තත්ත්වය සම්බන්ධයෙන් සාකච්ඡා කිරීම සඳහා ඊයේ (16) දිනයේ පාසලේ මහා සභා රැස්වීමක් පැවැත්වීමට කටයුතු සූදානම් කර තිබුණා.
පාසලේ මතුව ඇති පරිපාලන ගැටළු එහිදීත් ඉස්මතු වීම හේතුවෙන් දෙපාර්ශවය අතර උණුසුම් තත්ත්වයක් ඇතිව තිබෙනවා.
ඇති වී උණුසුම්කාරී තත්ත්වය පාලනය කෙරුණේ බණ්ඩාරවෙල පොලිස් ස්ථානාධිපතිවරයාගේ මැදිහත්වීමෙන්.
එළඹෙන සඳුදා දින අධ්යාපන අමාත්යංශය, කලාප කාර්යාලය හා පළාත් අධ්යාපන කාර්යාලයේ බලධාරින්ගේ මැදිහත්වීමෙන් පාසල් මහා සභා රැස්වීම පවත්වා ඒ පිළිබඳව තීරණයක් ගන්නා බවට එහිදී පොලිස් ස්ථානාධිපතිවරයා පොරොන්දුවක් ලබා දෙනු ලැබුවා.
මෙලෙස පරිපාලනයේ ගැටළු හේතුවෙන් දරුවන්ට සිදුව ඇති අසාධාරණයට පිළියමක් යොදන්නට පාසල් බලධාරින්ට උවමනාවක් හෝ වගකීමක් නොමැති වීම කණගාටුවට කරුණක්.
