යුද හමුදා මාණ්ඩලික ප්‍රධානී තනතුරට මේජර් ජෙනරල් ඩබ්.එච්.කේ.එස් පීරිස්

ශ්‍රී ලංකා යුද හමුදා නව මාණ්ඩලික ප්‍රධානියා ලෙස යුද හමුදාවේ ගජබා රෙජිමේන්තුවට අනුයුක්තව සේවය කරන මේජර් ජෙනරල් ඩබ්.එච්.කේ.එස් පීරිස් පත්කර තිබෙනවා.

මෙම පත් කිරීම සිදුකර ඇත්තේ මාස දෙකක පුරප්පාඩු කාලයකින් පසුවයි.

2023 දෙසැම්බර් 16 දින සිට ක්‍රියාත්මක වන පරිදි මෙම පත්කිරීම සිදුකර ඇති බවයි වාර්තා වන්නේ.

පසුගිය ඔක්තෝබර් මස 13 වනදා එම ධුරයේ කටයුතු කළ මේජර් ජෙනරාල් සංජය වනසිංහ සේවා කාලය සම්පූර්ණ කිරීමෙන් අනතුරුව විශ්‍රාම යනු ලැබුවා.

එතැන් පටන් මේ දක්වා මාස දෙකකට වැඩි කාලයක් ශ්‍රී ලංකා යුද හමුදාවේ දෙවැනි ඉහළම ධුරයවන මාණ්ඩලික ප්‍රධානි ධුරය පුරප්පාඩුව පැවතියා.

මේජර් ජෙනරල් ඩබ්.එච්.කේ.එස් පීරිස් 1988 වසරේ ජුලි 26 වනදා කැඩෙට් නිලධාරියකු ලෙස ශ්‍රී ලංකා යුද හමුදාවට එක්ව තිබෙනවා.

යුද හමුදා මාණ්ඩලික ප්‍රධානි ධුරයට පත් මේජර් ජෙනරල් පීරිස් මෙම ධුරයේ රාජකාරී කටයුතු භාරගැනීමට පෙර ආරක්ෂක සේනා ආඥාපති – බටහිර වශයෙන් රාජකාරි සිදුකළා.