පවුල් ආරවුලක් දුරදිග යාම හේතුවෙන් තියුණු ආයුධයකින් ගෙළ කපා සැමියා විසින් බිරිඳව ඝාතනය කළ පුවතක් පොතුපිටිය, රඹුක ප්‍රදේශයෙන් වාර්තා වනවා.
පොලිසිය පවසන්නේ අද (02) පෙරවරුවේ මෙම ඝාතනය සිදුව ඇති බවයි.
මෙලෙස ඝාතනයට ලක්ව ඇත්තේ වයස අවුරුදු 65ක ඒ.වී.ජී. ප්‍රේමලතා නැමැති කාන්තාවක් වන අතර අපරාධය සිදුකළ සැමියා වයස අවුරුදු 60ක පුද්ගලයෙක්.
මොවුන්ට දරුවන් තිදෙනෙක් ද සිටින අතර, අපරාධය සිදුකළ සැකකාර සැමියා වෙනත් කන්තාවක් සමඟ අනියම් සම්බන්ධතාවක් පවත්වාගෙන ගොස් තිබෙනවා.
ඒ, සම්බන්ධයෙන් මියගිය කාන්තාව අවස්ථා කිහිපයක දීම පොලිසිය වෙත පැමිණිලි කර ඇති අතර, පසුව ඔහුට විවාහක කාන්තාව සමඟ වාසය කරන ලෙස අධිකරණය නියෝගයකින් දන්වා ඇති බවයි වාර්තා වුණේ.
කෙසේ වෙතත් අද (02) දෙදෙනා අතර ඇති වූ ආරවුලක් දුරදිය යාමෙන් පසු සැමියා විසින් තියුණු ආයුධයකින් බිරිඳගේ ගෙළ කපා මෙලෙස ඝාතනය කර තිබෙනවා.
ඝාතනය සිදුකළ සැකකාර සැමියා ප්‍රදේශයෙන් පළාගොස් ඇති අතර ඔහුව අත්අඩංගුවට ගැනීමට පොලිස් විමර්ශන ක්‍රියාත්මකයි.
සිද්ධිය සම්බන්ධයෙන් පොතුපිටිය පොලිසිය වැඩිදුරටත් පරීක්ෂණ සිදුකරනු ලබනවා.
