පාකිස්ථාන ක්‍රිකට් තේරීම් කමිටු සභාපති ධුරයෙන් ඉන්සමාම් උල් හක් ඉල්ලා අස්වී තිබෙනවා.
2023 ක්‍රිකට් ලෝක කුසලානයේ දී පාකිස්ථාන කණ්ඩායමේ කඩා වැටීම මාධ්‍යයේ ඔහු මෙලෙස ඉල්ලා අස්වීම සුවිශේෂී සිදුවීමක් වනවා.
ඉන්සමාම් උල් හක් ලාහෝර්හි දී ඊයේ (30) පාකිස්ථාන ක්‍රිකට් ආයතනයේ සභාපති සකා අෂ්රෆ් හමුවීමෙන් පසු මෙම තීරණය ගෙන ඇති බවයි වාර්තා වන්නේ.
ඉන්සමාම් 2016 අගෝස්තු සිට 2019 ජූලි දක්වා ප්‍රධාන තේරීම් කමිටු නිලධාරියා ලෙස කටයුතු කළ අතර 2023 ආසියානු කුසලානයට පෙර ඔහුව නැවතත් තේරීම් කමිටු සභාපති ධුරයට පත් කරණු ලැබුවා.
ඉන්සමාම් එක්සත් රාජධානියේ යාසූ ඉන්ටර්නැෂනල් ලිමිටඩ් නම් සමාගමක ක්‍රියාකාරී අධ්‍යක්ෂවරුන් හතර දෙනාගෙන් කෙනෙකු ලෙස කටයුතු කරනු ලබනවා.
මේ අතර පකිස්ථාන කණ්ඩායම පළමු වරට ලෝක කුසලාන තරඟාවලියක පිට පිට තරඟ හතරක් පරාජයය පත් වී පළමු වටයෙන්ම ඉවත්වීමේ අවදානමක පසුවනවා.
