අසල්වැසි ඉන්දියාවේ ගුජරාට් ප්‍රාන්තයේ තරුණයෙක් ජන නැටුම් ආකෘතියක් වන ‘ගාර්බා’ නර්තනයේ දී සිටිය දී හදිසියේ ඇති වූ අසනීප තත්ත්වයක් හේතුවෙන් ජීවිතක්ෂයට පත්ව තිබෙනවා.
19 හැවිරිදි වියේ පසු වූ තරුණයෙක් මෙලෙස අවාසනාවන්ත ලෙස ජීවිතක්ෂයට පත්ව ඇති බවයි වාර්තා වුණේ.
නර්තනයට ඇලුම්කමක් දක්වන මෙම තරුණයා එළඹෙන නවරාත්‍රී උත්සවයට සූදානම්වීම සඳහා, පටෙල් පාර්ක් ප්‍රදේශයේ පිහිටි ගාර්බා පන්තියක පුහුණුවීම් කරමින් සිටිය දී අනපේක්ෂිත ලෙස බිම ඇද වැටී තිබෙනවා.
එහිදී වහාම ඔහුව අසල පිහිටි පෞද්ගලික රෝහලකට ඇතුළත් කර ඇති අතර, අනතුරුව ඔහු වෙනත් රජයේ රෝහලකට මාරුකර යව ඇති බවයි වාර්තා වන්නේ.
එලෙස රෝහලට ඇතුළත් කරන විටත් ඔහු මියගොස් ඇති බවයි ඉන්දීය මාධ්‍ය වාර්තා කළේ.
පසුගිය සඳුදා රාත්‍රී 10:30 පමණ මෙම තරුණයා මෙලෙස අසනීප වී ඇති අතර, පසුව අනාවරණය වී ඇත්තේ හෘදයාබාධයක් වැළඳීමෙන් තරුණයා මෙලෙස ජීවිතක්ෂයට පත්ව ඇති බවයි.
