යෝජිත විකාශන අධිකාරී පනත් කෙටුම්පත සිවිල් හා දේශපාලන අයිතිවාසිකම් පිළිබඳ ජාත්යන්තර ප්රඥප්තීන්ට පටහැනි බවට එක්සත් ජාතීන්ගේ මානව හිමිකම් පිළිබඳ මහකොමසාරිස්වරයා පවසනවා.
අද ප්රකාශයට පත් කරන ලද එක්සත් ජාතීන්ගේ මානව හිමිකම් කාර්යාලයේ වාර්තාවට අනුව, ශ්රී ලංකාව අඛණ්ඩ වගවීමේ හිඟයකින් පෙළෙන අතර රට ඉදිරියට යාමට නම් එම ගැටලුවලට ආමන්ත්රණය කළ යුතු බවයි දැක්වෙන්නේ.
අනෙකුත් නිර්දේශ අතර, 2019 පාස්කු ඉරිදා බෝම්බ ප්රහාරයන් මෙන්ම මානව හිමිකම් කඩකිරීම් යැයි කියනු ලබන සිද්ධීන් සම්බන්ධයෙන් විමර්ශන සහ නඩු පැවරීම් කඩිනම් කරන ලෙස බලධාරීන්ගෙන් ඉල්ලා සිටිනවා.
2019 පාස්කු ඉරිදා ත්රස්ත ප්රහාරයේ සම්පූර්ණ තත්ත්වයන් පිළිබඳව වැඩිදුර පරීක්ෂණ ක්රියාත්මක කිරීම සඳහා ජාත්යන්තර සහාය ඇතිව ස්වාධීන පරීක්ෂණයක් පවත්වන ලෙස මහ කොමසාරිස්වරයා මීට පෙර ඉල්ලා තිබුණා.
රජය නව සත්ය සෙවීමේ යාන්ත්රණයක් යෝජනා කර ඇති අතර, ඕනෑම සංක්රාන්ති යුක්ති ක්රියාවලියක් සාර්ථක කර ගැනීමට හැකි පරිසරය නිර්මාණය කිරීම සඳහා අව්යාජ ප්රයත්නයන් මගින් පදනම සකස් කළ යුතු බව වාර්තාව අවධාරණය කරනවා.
“සත්යය සෙවීම පමණක් ප්රමාණවත් නොවනු ඇත. එය වගවීම සඳහා පැහැදිලි කැපවීමක් සහ දුරදිග යන වෙනසක් ක්රියාවට නැංවීමේ දේශපාලන අභිලාෂය සමඟ ද තිබිය යුතුය, ” මහකොමසාරිස්වරයා ප්රකාශ කළා.
