කොවිඩ් – 19 අසාදිත සිසුවෙකු හමුවීම හේතුවෙන් නෝර්වුඩ් දමිළ මහා විද්‍යාලයේ 05 වසර පන්තිවල අධ්‍යයන කටයුතු අද (15) සිට තාවකාලිකව නවතා දැමීමට පියවර ගෙන තිබේ.
හැටන් කලාප අධ්‍යාපන කාර්යාලය යටතේ පාලනය වන නොර්වුඩ් දමිළ මහා විද්‍යාලයේ 05 වසරේ සිසුවෙකුට එලෙස කොවිඩ් – 19 වෛරසය අසාදනය වී ඇති බවට ඊයේ (14) දින තහවුරු වී තිබුණි.
හැටන් කලාප අධ්‍යාපන අධ්‍යක්ෂ එස්. ශ්‍රීදරන් මහතා පැවසූවේ සෞඛ්‍ය අංශවල උපදෙස් අනුව 05 වසරේ අධ්‍යාපන කටයුතු එළඹෙන 22වන දින දක්වා ආරම්භ නොකරන බවය.
නොර්වුඩ් ප්‍රාදේශීය සභාව යටතේ පාලනය වන නොර්වුඩ් පුස්ථකාලයේ පුස්තකාලාදිපතිනියට සහ ඇයගේ පුතාට කොවිඩ් – 19 වෛරසය අසාදනය වී ඇති බවට තහවුරු වු බවත් පුස්තකාලාධිපතිනියගේ පුතා අසාදිත පාසල් සිසුවා බව ද මස්කෙළිය සෞඛ්‍ය වෛද්‍ය නිලධාරී ඩී. චන්ද්‍රරාජන් මහතා පැවසිය.
අසාදිත මව සහ පුතා වලපනේ නිරෝධායන ප්‍රතිකාර මධ්‍යස්ථානය කරා යොමු කර තිබේ.
නෝර්වුඩ් දමිළ මහා විද්‍යාලයේ 05 වසරේ අසාදිත සිසුවාගේ සමීප ආශ්‍රිත සිසු සිසුවියන් අද (15) දින PCR පරීක්ෂණ සඳහා යොමුකරන බවත් මස්කෙළිය සෞඛ්‍ය වෛද්‍ය නිලධාරිවරයා පැවසීය.
නොර්වුඩ් පුස්තකාලය ද තාවකාලිකව වසා දමා තිබේ.
