කන්තලේ, භාතියගම ප්රදේශයේ පැවති සැණකෙළියක සවිකර තිබූ මාරක ළිඳක කොටසක් කඩා වැටීමෙන් සැණකෙළියේ ආරක්ෂක රාජකාරියේ නිරතව සිටි පොලිස් සැරයන්වරයෙකු ජීවිතක්ෂයට පත්ව තිබෙනවා.
මෙලෙස අවාසනාවන්ත ලෙස ජීවිතක්ෂයට පත්ව ඇත්තේ එම ප්රදේශයේම පදිංචිව සිටි ජනක සුරංජීව නැමති 47 හැවිරිදි දෙදරු පියෙක්.
ඊයේ (20) රාත්රියේ 11.30ට පමණ මෙම අනතුර සිදුව ඇති අතර, එහිදී බරපතළ තුවාල ලැබූ මෙම පොලිස් නිලධාරියා කන්තලේ මූලික රෝහලට ඇතුළත් කිරීමෙන් අනතුරුව ජීවිතක්ෂයට පත්ව ඇති බවයි තොරතරු වාර්තා වුණේ.
