මිනුවන්ගොඩ ප්‍රදේශයේ පසුගියදා සිදු වූ වෙඩි තැබීමට සම්බන්ධ පුද්ගලයන් දෙදෙනෙකු පොලිස් අත්අඩංගුවට ගෙන තිබෙනවා.
පසුගිය 17 වනදා මෙම වෙඩි තැබීම සිදු වූ අතර ඊට ආධාර අනුබල ලබාදීම සම්බන්ධයෙනුයි මෙම සැකකරුවන් දෙදෙනා අත්අඩංගුවට ගෙන ඇත්තේ.
යතුරුපැදියකින් පැමිණි දෙදෙනෙකු තවත් යතුරුපැදියක ගමන් කළ දෙදෙනෙකු ඉලක්ක කර සිදු කළ වෙඩි තැබීමෙන් එක් අයෙකු මරණයට පත්වූ අතර තවත් අයෙකු තුවාල ලැබුවා.
සිද්ධියට අදාළව ඊයේ රාත්‍රී පෑලියගොඩ ආර්ථික මධ්‍යස්ථානය අසලදී මෙම සැකකරුවන් දෙදෙනා අත්අඩංගුවට ගනු ලැබුවේ හෙරොයින් ග්‍රෑම් 11ක් ද සමගින්.
ඔවුන් සංවිධානාත්මක අපරාධකරුවෙකුගේ සමීපතමයින් දෙදෙනෙකු බවට ද පොලිස් විමර්ශනවලදී හෙළිවී තිබෙනවා.
සැකකරුවන් දෙදෙනා කොටුගොඩ සහ නිකවැරටිය ප්‍රදේශවල පදිංචි අවුරුදු 34 සහ 37 යන වයස්වල පසුවන දෙදෙනෙක්.
ඔබේ ප්‍රතිචාරය කුමක්ද ?
+1
+1
+1
+1
1
+1
+1
+1
