ගුවන් ගමන් පාලකවරුන්ගේ (air traffic controllers) හිඟය සපුරාලීම සඳහා ආධුනික ගුවන් ගමන් පාලක වරුන් 50 දෙනකු ලබන 16 වැනිදා බඳවා ගන්නා බව වරාය නාවික සහ ගුවන් සේවා අමාත්ය නිමල් සිරිපාල ද සිල්වා පැවසීය.
එම පිරිස පුහුණුවකින් පසු ගුවන් ගමන් පාලකවරුන් ලෙස බඳවා ගැනෙනු ඇති බවත් ගුවන් ගමන් පාලකවරුන්ගේ ගැටලුව කඩිනමින් විසඳීමට ක්රියාමාර්ග ගන්නා බවත් අමාත්යවරයා පැවසුවා.
ගුවන්යානා මෙහෙයුම් කටයුතු සඳහා පාලකවරුන් 148 කගේ සේවය අවශ්ය වුවත් මේ වනවිට ගුවන් පාලක මධ්යස්ථානවල රාජකාරි කරන්නේ පාලකවරුන් 79 දෙනකු පමණක් බව වරාය නාවික සහ ගුවන් සේවා අමාත්යාංශය පවසයි.
කටුනායක, මත්තල, රත්මලාන, යාපනය සහ මඩකලපුව යන ගුවන් තොටුපොළවල් ආශ්රිතව ගුවන් පාලක මධ්යස්ථාන ක්රියාත්මක වන අතර ගුවන් පාලකවරුන්ගේ හිඟය නිසා දැනට සිටින ගුවන් පාලකවරුන්ට පැය 24 පුරා එම රාජකාරි කිරීමට සිදුව ඇතැයි වාර්තා වෙනවා.
