ගෙවී ගිය සති කිහිපය තුළ දිවයින පුරා සිදුකරන ලද පරීක්ෂා කිරීම්වලදී මිනිස් පරිභෝජනයට නුසුදුසු ආහාර ද්රව්ය අලෙවි කළ ව්යාපාරකයින් 2102කට එරෙහිව ඒ ඒ ප්රදේශවල අධිකරණයන් හමුවේ නඩු පැවරීමට කටයුතු කළ බව ශ්රී ලංකා මහජන සෞඛ්ය පරීක්ෂකවරුන්ගේ සංගමයේ සභාපති උපුල් රෝහණ පවසනවා.
සෞඛ්ය අමාත්යාංශයේ උපදෙස් අනුව උත්සව සමයේ මිනිස් පරිභෝජනය සඳහා ආහාර ද්රව්ය අලෙවි කරන ස්ථාන පරීක්ෂා කිරීමේ වැඩසටහන පසුගිය මාර්තු මාසයේ 02 වන සතියේ සිට දිවයින පුරා ආරම්භ කළ බවයි සභාපතිවරයා වැඩිදුටත් සඳහන් කළේ.
මෙම මෙහෙයුම් කටයුතු අප්රේල් මස අවසානය වනතෙක් සිදුකරන බව ද ඔහු මාධ්ය වෙත අදහස් දක්වමින් පවසා සිටියා.
මෙහිදී වැඩිදුරටත් අදහස් දැක්වූ මහජන සෞඛ්ය පරීක්ෂකවරුන්ගේ සංගමයේ සභාපතිවරයා,
“මේ අවස්ථාවේ දී පාරිභෝගිකයින්ට අප කියා සිටින්නේ තමන්ට අවශ්ය දේ මිලදී ගැනීමට පෙර එම ව්යාපාරික ස්ථානයේ පිරිසිදුකම සම්බන්ධයෙන් සොයා බලන්න. ඒ වගේම ඔබ මිලදී ගන්නා සෑම ආහාර ද්රව්යකම නිෂ්පාදිත දිනය, කල් ඉකුත්වන දිනය මෙන්ම අඩංගු ද්රව්ය සම්බන්ධයෙන් ද සැළකිලිමත් වන ලෙසයි.”
