පුලස්තිගම ප්රදේශයේ නිවසක් තුළ බිරිඳ විසින් පිහියකින් ඇන සිය සැමියා ඝාතනය කර තිබෙනවා.
ඊයේ (09) පස්වරුවේ මෙම ඝාතනය සිදුව ඇති අතර, පිහි ඇනුමට ලක්වූ පුද්ගලයා පුලස්තිගම රෝහලට ඇතුළත් කිරීමේ දී මියගොස් ඇති බවයි පොලිසිය සඳහන් කළේ.
29 හැවිරිදි වියේ පසුවූ පුද්ගලයෙක් මෙලෙස ඝාතනයට ලක්ව ඇති අතර, මෙම පුද්ගලයා සහ බිරිඳ අතර ඊයේ දහවල් කාලයේ සිටම පහරදීගැනීම් සහ බැන වැඳීම් සිදුකරගෙන ඇති බවයි අනාවරණය වී ඇත්තේ.
එම අවස්ථාවේ දී බිරිඳ විසින් පිහියකින් සැමියාගේ පපු ප්රදේශයට ඇන ඇති බවයි පොලිසිය වැඩිදුරටත් සඳහන් කළේ.
ඝාතනය සිදුකළ බිරිඳ ද තුවාල ලබා පුලස්තිගම රෝහලට ඇතුළත් කර ඇති අතර, ඇය වැඩිදුර ප්රතිකාර සඳහා පොළොන්නරුව රෝහලට ඇතුළත් කර ඇති බවයි තොරතුරු වාර්තා වුණේ.
සිද්ධිය සම්බන්ධයෙන් පොළොන්නරුව මහේස්ත්රාත් අධිකරණයට කරුණු ඉරිදිපත් කිරීමෙන් අනතුරුව සැකකාර බිරිඳ ලබන 21 වනදා දක්වා රක්ෂිත බන්ධාගාර ගතකර තිබෙනවා.
සැකකාරිය පොලිස් ආරක්ෂාව යටතේ රෝහලේ ප්රතිකාර ලබන අතර, ඝාතනයට ලක්වූ පුද්ගලයාගේ මෘත දේහය සම්බන්ධයෙන් වන පස්චාත් මරණ පරීක්ෂණය අද (10) සිදුකිරීමට නියමිතයි.
