පෘතුගාලයේ පැවැත්වීමට නියමිත රෝද පුටු ටෙනිස් තරගාවලිය (BNP Parisbas World Team Cup – Wheelchair Tennis) සඳහා සහභාගී වීමට වෙනුවෙන් ආසියානු කලාපයේ සුදුස්සන් තේරීමේ තරගාවලියට සහභාගී වූ ශ්රී ලාංකික ක්රීඩකයන් තිදෙනා, එම ආසියානු ශූරතාවය දිනා ගනිමින් අද දිවයිනට පැමිණ තිබෙනවා.
මෙම තරගාවලිය පසුගිය පෙබරවාරි 27 සිට ඊයේ දක්වා තායිලන්තයේ පටායා හි දී යි පැවැත්වුණේ.
ඊට දකුණු කොරියාව, ඉන්දියාව, පකිස්තානය, චීනය, ඔස්ට්රේලියාව සහ තායිලන්තය වැනි රටවල් නියෝජනය කරමින් ක්රීඩකයන් ඉදිරිපත් වී සිටියා.
ශ්රී ලංකා යුධ හමුදාව නියෝජනය කරන මෙම ශ්රී ලාංකික ක්රීඩකයන් තිදෙනා ශ්රී ලංකා ටෙනිස් සංගමය මගිනුයි තරගාවලිය සඳහා ඉදිරිපත් කර තිබුණේ.
සුරේෂ් ධර්මසේන, ගාමිණී දිසානායක, මංජුල ප්රදීප් කුමාර යන තිදෙනා රෝද පුටු ටෙනිස් තරගාවලිය සදහා ඉදිරිපත් වී තිබූ අතර ඔවුන්ගේ පුහුණුකරු විජයකාන්ත මහතා ද ඔවුන් සමග තායිලන්තය බලා පිටත්ව ගොස් තිබුණා.
මෙම ජයග්රාහී ක්රීඩකයන් අද පෙරවරු දහවල් 10.54ට තායිලන්තයේ බැංකොක් නුවර සිට ශ්රී ලන්කන් ගුවන් සේවයේ UL- 403 දරණ ගුවන් යානයෙන් කටුනායක ගුවන් තොටුපළ වෙත පැමිණ සිටි අතර ඔවුන් පිළිගැනීම සදහා ශ්රී ලංකා ටෙනිස් සංගමයේ නිලධාරීනියන් දෙදෙනෙකු කටුනායක ගුවන් තොටුපළ වෙත පැමිණ සිටියා.
මැයි මස 02 වනදා සිට 08 වනදා දක්වා පෘතුගාලයේ දී මෙම ලෝක ශූරතා තරගාවලිය පැවැත්වීමට අවශ්ය කටයුතු සූදානම් කර ඇති අතර ඒ සදහා මේ ආකාරයට සුදුසුකම් ලැබූ ලෝකයේ ප්රබල රටවල් 17ක ක්රීඩකයන් සහභාගී වීමට නියමිතයි.
