ශ්‍රී ලංකා වැනි රටවලට නව ණය ක්‍රියාවලියක් අවශ්‍ය බව ජාත්‍යන්තර මූල්‍ය අරමුදලේ ප්‍රධානි ක්‍රිස්ටිනා ජෝර්ජිවා පවසනවා.
ඉන්දියාවේ පැවති ජී 20 සමුළුවෙන් අනතුරුව අදහස් දක්වමිනුයි ඇය මේ බව ප්‍රකාශ කර ඇත්තේ.
පවතින රාමුවෙන් ආවරණය නොවන ශ්‍රී ලංකාව සහ සූරිනාම් වැනි රාජ්‍යයන්වලට නව ණය නිරාකරණ ක්‍රියාවලියක් හඳුන්වාදිය යුතු බව ජාත්‍යන්තර මූල්‍ය අරමුදලේ කළමනාකාර අධ්‍යක්ෂවරිය පෙන්වා දෙනවා.
ණය ගැටලු සම්බන්ධයෙන් සංවාද සහ සහයෝගීතාව වැඩි දියුණු කර ගැනීම කළ යුතු බවයි ඇය වැඩිදුරටත් ප්‍රකාශ කර ඇත්තේ.
කොවිඩ් තත්ත්වය නිසා බොහෝ රටවල ආර්ථිකයන් අස්ථාවරත්වයට පත්වු බවත් ඒ ඒ රටවල ණය ගෙවීම් පිළිබඳ ගැටලු පැන නැගී ඇති බවත් අධ්‍යක්ෂවරිය මෙහිදී සඳහන් කළා.
යුක්රේන රුසියා යුද්ධය හේතුවෙන් ද ලෝක ආර්ථිකයට විශාල බලපෑමක් එල්ල වී තිබෙනවා.
චීනය තවමත් ශ්‍රී ලංකාවට IMF ආධාර ලබා ගැනීම සම්බන්ධයෙන් වන නිළ සහතිකය ලබා දී නැහැ.
සීමිත ප්‍රතිපත්ති අවකාශයන් තිබෙන විශාල සංවර්ධන අවශ්‍යතා තිබෙන අඩුආදායම්ලාභී රටවල් ඉදිරියේ දී විශේෂයෙන් අවධාමනට ලක්විය හැකි බව ද ජෝර්ජිවා මෙහිදී අවධාරණය කළා.
පවතින තත්ත්වය හේතුවෙන් බොහෝ රටවලට ඉදිරියේ දී ඉහළ යන ණය අවධානම නිසා ණය නිරාකරණයට හා ණය ගෙවීමේ කාර්යක්ෂමතාව වැඩි කිරිමට ඒ ඒ රටවල් වල ආරම්භ කළ සැලසුම් තමන් අගය කරන බවයි ජාත්‍යන්තර මූල්‍ය අරමුදලේ ප්‍රධානී ක්‍රිස්ටිනා ජෝර්ජිවා ප්‍රකාශ කර ඇත්තේ.
wpDiscuz
