නීති විරෝධී ලෙස රැගෙන විත් ලොරියකින් ප්රවාහනය කරමින් තිබු බීඩි කොළ කිලෝ ග්රෑම් 1797කට අධික තොගයක් සමඟ සැකකරුවෙකු අත්අඩංගුවට ගෙන තිබෙනවා.
මීගමුව, දූව ප්රදේශයේ ශ්රී ලංකා නාවික හමුදාව අද උදෑසන සිදුකල විශේෂ සෝදිසි මෙහෙයුමකදී යි සැකකරු සහ බීඩි කොළ තොගය හමුවී ඇත්තේ.
නාවික හමුදා බුද්ධි අංශයට ලැබුණු තොරතුරකට අනුව, නාවික හමුදා ගවේෂණ කාර්යය සාධක බලකායේ ද සහය ඇතිව, මීගමුව, දූව ප්රදේශයේ අද දින උදෑසන සිදුකරන ලද මෙම විශේෂ සෝදිසි මෙහෙයුමේදී, එම ප්රදේශයේ සැකකටයුතු ලෙස ගමන් කරමින් තිබූ ලොරි රථයක් නීරික්ෂණය කර පරීක්ෂාවට ලක්කර තිබුණා.
එහිදී, එම ලොරි රථය තුල පාර්සල් 58ක අසුරා ප්රවාහනය කරමින් තිබූ නීති විරෝධී ලෙස මෙරටට රැගෙන ආ බවට සැකකෙරෙන බීඩි කොළ කිලෝග්රෑම් 1797ක පමණ තොගයක් සමඟ සැකකරුව නාවික හමුදා භාරයට ගැනුණා.
සැකකරු මීගමුව ප්රදේශයේ පදිංචි වයස අවුරුදු 44 ක් වන අයෙක් බවට හඳුනාගන්නා ලද අතර, එම සැකකරු, ලොරි රථය සහ බීඩි කොළ තොගය ඉදිරි නීතිමය කටයුතු සඳහා කටුනායක රේගු නිවාරණ කාර්යාලය වෙත භාරදී තිබෙනවා.
