මෙරට මත්ද්‍රව්‍ය උවදුර තුරන් කිරීමට ස්ථාපිත විශේෂ කාර්ය සාධක බලකායේ ඒකක 09ක් දිවයිනේ පළාත් නවයම ආවරණය වන පරිදි ඉදිරියේ දී පිහිටුවීමට කටයුතු කරන බව අධිකරණ, බන්ධනාගාර කටයුතු හා ආණ්ඩුක්‍රම ව්‍යවස්ථා ප්‍රතිසංස්කරණ අමාත්‍ය ජනාධිපති නිතීඥ විජයදාස රාජපක්ෂ පවසනවා.
2023 විසර්ජන පනත් කෙටුම්පතට අදාළ කාරක සභා අවස්ථා විවාදයට අද (05) පාර්ලීමේන්තුවේ දී එක්වෙමින් අමාත්‍යවරයා මේ බව පවසා සිටියා.
මෙම පළාත් විශේෂීත කාර්ය සාධක බලකායේ පළමු ඒකකය මේ වන විට උතුරු පළාතේ ආරම්භ කර ඇති බවයි අමාත්‍යවරයා එහිදී කියා සිටියේ.
මේ මාතර නීතිය ක්‍රියාත්මක කරන ආයතන අත්අඩංගුවට ගන්නා හෙරොයින් “පාන් පිටි” බවට පත් වී බොහෝ අවස්ථාවල නීතිය කෙරෙන කාල සීමාවේදීම වෙළෙඳපොළට නැවතත් පැමිණ ජනතාව අතට පත්වන ප්‍රවණතාවක් පවතින බව ද අමාත්‍යවරයා අද පාර්ලිමේන්තුව් දී වැඩිදුරටත් අදහස් දක්වමින් පවසා සිටියා.
විසර්ජන පනත් කෙටුම්පත 2023 කාරක සභා අවස්ථාවේ විවාදයේ එකොළොස්වැනි දිනය අද වන අතර, වරාය,නාවික හා ගුවන්සේවා අමාත්‍යාංශය සහ අධිකරණ,බන්ධනාගාර කටයුතු හා ආණ්ඩුක්‍රම ව්‍යවස්ථා ප්‍රතිසංස්කරණ අමාත්‍යාංශය යන අමාත්‍යාංශවල වැය ශීර්ෂ අද විවාදයට ගනු ලබනවා.
