මෙරටින් පළමුවරට හඳුනාගැනුණු වඳුරු උණ ආසාදිතයාගෙන් වෙනත් අයෙකුට රෝගය බෝවීමේ අවදානමක් නොමැති බව සෞඛ්ය අමාත්යාංශය පවසනවා.
මේ වනවිටත් රෝගය ව්යාප්තිය පාලනයට ක්රියාමාර්ග ගෙන ඇති බවයි සෞඛ්ය අමාත්යාංශය වැඩි දුරටත් සඳහන් කළේ.
කැලණිය ප්රදේශයෙන් හඳුනා ගැනුණු මෙම ආසාදිතයාගේ ආශ්රිතයින් මේ වනවිටත් නිරෝධායනයට ලක්කර තිබෙනවා.
ඔහු පසුගිය නොවැම්බර් 01 වැනි දින මෙරටට පැමිණ ඇත්තේ ඩුබායි රාජ්යයේ සිටයි.
20 හැවිරිදි වියෙහි පසුවන මොහු පසුගිය දෙවනදා උණ සහ සමේ බිබිලි සහිතව ජාතික ලිංගාශ්රිත රෝග සායනයට පැමිණ තිබෙනවා.
ඉන් අනතුරුව ශ්රී ලංකා වෛද්ය පර්යේෂණ ආයතනය විසින් රෝගියාගේ සාම්පල පරීක්ෂාවට යොමුකර ඇති අතර, ඔහුට වඳුරු උණ ආසාදනය වී ඇති බවටයි එහිදී හඳුනාගෙන ඇත්තේ.
මේ අතර, රෝග ලක්ෂණ පවතී නම් කඩිනමින් වෛද්ය උපදෙස් ලබාගන්නා ලෙස නියෝජ්ය සෞඛ්ය සේවා අධ්යක්ෂ ජනරාල් වෛද්ය හේමන්ත හේරත් ජනතාවට දැනුම් දෙනවා.
