දකුණු කොරියාවේ සෝල් අගනුවර හැලොවීන් සැමරුමේ දී සිදු වූ අනතුරෙන් මියගිය පිරිස අතර ශ්රී ලාංකිකයෙකු ද සිටින බව වාර්තා වනවා.
විදේශ අමාත්ය අලි සබ්රි විසින් ඒ බව තහවරු කර ඇති අතර, මෙලෙස මියගොස් ඇත්තේ දකුණු කොරියාවේ රැඳී සිටි මහනුවර ප්රදේශයේ 27 හැවිරිදි තරුණයෙක්.
මෙම අවාසනාවන්ත සිද්ධියෙන් විදේශිකයින් 19 දෙනෙකු මියගොස් ඇති බවයි විදෙස් මාධ්ය වාර්තා කළේ.
ඔවුන් අතර ඉරානය, නෝර්වේ, චීනය සහ උස්බෙකිස්තානය යන රටවලින් පැමිණි අයවලුන් ද වනවා.
දකුණු කොරියාවේ හැලොවීන් සැමරුමේ දී සිදු වූ තෙරපීමෙන් පුද්ගලයින් 151 දෙනෙකු මියගොස් ඇති අතර, තවත් පුද්ගලයින් 82ක් තුවාල ලබා තිබෙනවා.
මෙම උත්සවය සඳහා විශාල ජනතාවක් රැස්ව සිට ඇති අතර, පටු මන්තීරුවක විශාල පිරිසක් එක්රැස්වීම මෙම අනතුරට හේතු වී ඇති බවයි දකුණු කොරියානු ආරක්ෂක අංශ සඳහන් කරන්නේ.
කොවිඩ් වසංගතයෙන් අනතුරුව මුඛ ආවරණ නොමැතිව දකුණු කොරියාවේ පැවති පළමු එළිමහන් උත්සවය ද මෙය වීම විශේෂත්වයක්.
මෙම දරුණු ඛේදවාචකයෙන් පසු සිද්ධිය වූ ප්රදේශයේ නිරීක්ෂණයකට දකුණු කොරියානු ජනාධිපතිවරයා එක්ව සිටි අයුරු ද විදෙස් මාධ්ය වාර්තා කර තිබුණා.
